TOP
  • Home
  • Rally
  • FMU ereese abuntu 250 kutangira bubenje

FMU ereese abuntu 250 kutangira bubenje

By Nicholas Kalyango

Added 7th March 2019

Mu mpaka za mirundi ebiri ezisembye mu baddemu obubenje. FMU omulundi guno esiira eritadde mu kulwanyisa bubenje.

Blick 703x422

Arthur Blick ng'avuga Evo 10 ye.

ABAKUNGU ba Central Motor Club (CMC) n’ab’ekibiina ekifuga omuzannyo gwa mmotoka z’empaka mu ggwanga (FMU) baataddewo ekibinja ky'abantu 250 okulaba nga batangira obubenje mu mpaka za CMC Challenge Rally ezigenda okubeera e Mukono wiikendi eno nga March 9-10.
Ssaabawandiisi wa FMU, Ernest Zziwa yagambye nti mu mpaka zino bagenda kusinga kukulembeza kya kwewala bubenje kuba omuzannyo gwetaaga abawagizi nga balamu era y’ensonga lwaki bayungudde abakuumi bangi.
“Twagala kulaba nga tutaasa obulamu bw’abawagizi nga tukendeeza ku bubenje obubeera mu muzannyo. Mu mpaka z’e Mbarara emmotoka yatta omuntu kye tutayagala kiddemu kulabika mu muzannyo. Omuzannyo gukula bawagizi, obubenje bubeera bubagoba,” Zziwa bwe yagambe.
Empaka zino za kutandika ku Lwomukaaga n’ez'omu kisaawe ku Festino City e Mukono enkeera zoolekere ebitundu okuli; Nammere (Kiyunga Bugerere), Geggedde mu majaani, Nakapinyi - Mbalala (Mukono), Nandagi (Namawojjolo) zimalire e Nama wabula ng’ebitundu bino byonna zaakubiyitamu emirundi esatu. Engule y’omwaka guno ekulembeddwa Jas Mangat n’obubonero 100.

More From The Author

Emboozi z’omuwandiisi endala

Emboozi endala

Tembeya 220x290

Walukagga atadde akaka mu luyimba...

Nga yaakamala okugaanibwa okuyimba ku mukolo ogumu e Mpigi gyebuvuddeko, omuyimbi Mathias Walukagga embeera agiyimbyemu...

Tin1 220x290

Pressure esse abafamire babiri...

Pressure esse abafamire babiri omulundi gumu

Harvest 220x290

Amagye lwe gassa ku Mubarak akazito...

Amagye lwe gassa ku Mubarak akazito n'alekulira

Abetz 220x290

Abtex totya abasajja tubalina -...

POLIISI yagaana Bobi Wine okuddamu okulinnya ku siteegi. Bino byagenda okubaawo ng’abategesi b’ebivvulu, Abbey...

Kenzo 220x290

Aziz wangoba kati oyagala nkusiime...

OMUYIMBI Eddy Kenzo addizza Aziz Azion omuliro olw’okumulangira nga bwe yamuyamba n’atamusiima n’agamba nti Aziz...