TOP
  • Home
  • Emisinde
  • Kabushenga akunze abantu okwewandiisa beetabe mu misinde gy'amazaalibwa ga Kabaka

Kabushenga akunze abantu okwewandiisa beetabe mu misinde gy'amazaalibwa ga Kabaka

By Benjamin Ssebaggala

Added 19th March 2019

AKULIRA Vision Group efulumya ne Bukedde, Robert Kabushenga alangiridde nti okutunda emijoozi gy’emisinde gya Kabaka kutandise leero ku Lwokusatu.

Dcm9929 703x422

Kabushenga ng'ayogerera ku Leediyo ya Bukedde Fa Ma Embuutikizi ku pulogulaamu y'Ekyenkya

Kabushenga yabadde ku Bukedde FaMa mu pulogulamu Bukeddebutya ekolebwa Ssuuna Ben ne Kayibanda n’alangirira nti nga bwe batongozezza okutunda emijoozi gino, omuntu asobola okugifuna ku kitebe kya Vision Group, ku kitebe kya Post Bank ku Nkurumah road, ku Bulange e Mmengo ne ku maduuka ga Airtel gonna okwetoloola eggwanga.

Abaagala okuwagira emisinde nga tebali mu Uganda ng’abo abali e South Africa, Dubai ne Bungereza basobola bulungi okuweereza sente ne bagulira abantu baabwe emijoozi okusobola okwetaba mu misinde gino egigenda okubeerawo nga April 7, 2019.

Kabaka yazzeemu okulonda Kabushenga okukulira enteekateeka z’okutegeka emisinde gy’okukusa amazaalibwa ga Kabaka ng’aweza emyaka 64. Kabaka agenda kusimbula emisinde gino okuva mu Lubiri e Mmengo ku lwa April 7.

Kabushenga yategeezezza nti omulimu gw’okutegeka emisinde gino gukolebwa abantu ab’enjawulo mu ngeri ya Bwannakyewa era sente ezivaamu ziweerezebwa ew’omuwanika e Mmengo ne basalawo omutemwa ogugenda okuweebwayo okudduukirira abalina obulwadde obwa nnalubiri.

Yakubirizza abalina sente nga tebasobola kudduka baweeyo basobole okugula emijoozi kubanga bangi abasobola okudduka nga gye bali naye nga tebalina sente zigula mijoozi. Yagambye nti Bukedde ne cbs bavunaanyizibwa ku kulanga misinde gino kyokka abataddemu sente kuliko Vision Group efulumya Bukedde ,Airtel, Post Bank.

Kabushenga yagambye nti omuntu agula omujoozi ku 10,000/- bagumuweera mu kasawo nga mulimu n’akacupa akookunyweramu amazzi. Ennaku ezimu ekimotoka kigenda kutambula nga kitalaaga ebitundu eby’enjawulo nga kitunda emijoozi gino n’okutegeeza abantu enteekateeka endala ezikwata ku misinde gy’amazaalibwa.

More From The Author

Emboozi z’omuwandiisi endala

Emboozi endala

Patu 220x290

'Twagala Mityana eyegombesa'

Patrick Mugisha ng'ono y'avuganyaako ku kifo ky’obubaka bwa Palamenti okukiikirira Mityana North aludde ddaaki...

Pro 220x290

Ddala kiki ekyasse omugagga wa...

OBULWADDE obwasse omutandisi w’essomero lya Kabojja Junior School, bwasooka kucankalanya lubuto, aba famire ne...

Titi 220x290

Omutuuze w’e Kanyanya afiiridde...

Muky. Roninah Nakacwa Kyaterekera Kirumira 69, baamututte mu Amerika okumujjanjaba obulwadde bwa kansa kyokka n’afa...

Busy1 220x290

‘Nze ebya laavu nabivaako nneekubira...

BW’OBA onyumya n’omuyimbi w’ennyimba za laavu David Lutalo emboozi ye ewooma era mubeera mu kuseka n’okukuba obukule....

Gurad 220x290

Amasomero agatannafuna bigezo bya...

AMASOMERO agamu gakyalwana okuggyayo ebigezo by’abayizi baabwe ebya P7 mu UNEB, ekireese obweraliikirivu mu bazadde...