TOP

Lwakataaka azzeemu okuwangula ez'e Masaka

By Gerald Kikulwe

Added 16th April 2019

KAFULU w’emmotoka z’empaka Ponsiano Lwakataaka amezze banne 40 omulundi ogwokubiri ogwomuddiringanwa mu mpaka za Tarvan Kick SMC Masaka Challenge Rally n’adduuluka.

Lwakataaka5 703x422

Zino zibadde mpaka za mulundi gwa kusatu ku kalenda y’emmotoka omwaka guno nga z’amaze ennaku ssatu e Masaka era omwana enzaala y’e Buddu Lwakataaka ye yazeetisse nga bwe gwali omwaka oguwedde, wano we yasinziridde n’awera eri abo ab’abadde bagamba nti yaggwaamu.

Omwaka oguwedde Lwakataaka yamalako empaka za mulundi gumu gwokka e Masaka wabula bwe yeetaba mu z’e Mbarara emmotoka n’efiira wakati mu lugendo ate n’e Fortportal era emmotoka n’efa, wabula ku mulundi guno yaguze ecuuma ekipya Subar N12B eky’amuwanguzza mu ssaawa 1:15:21 n’afuna 100.

“Nabalabudde nga tutandika ku lwokutaano nti nze tebampangulira waffe,mukama mulungi amazizaako obulungi era nzikiriza sigenda kuddiriza muliro, ababadde mu kubo ly’abawanguzi b’omwaka beesege,” Lwakataaka bwe yategeezezza.

Ronald Ssebuguzi n’amusomera maapu Leon Ssenyange be b’amalidde mu kyokubiri n’obubonero 80 mu ssaawa1:15:19. Wabula be bakulembedde ku kalenda y’omwaka n’obubonero 240.

Duncan Mubiri ne Musa Nsubuga mu Subaru GVB b’amalidde mu kyokusatu mu ssaawa 1:16:48.

Jas Mangat (kyakuna)

Omar Mayanja(kyakutaano)

Kepher Walubi(kyamukaaga)

Hassan Alwi Junior(kyamusanvu)

Christakis Fitidis(kyamunaana)

Yassin Nasser(kyamwenda)

Arthur Blick Junior(kkumi)

 

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo