TOP

Atendeka Kiboga bagikubye ne yeekwasa

By Gerald Kikulwe

Added 19th April 2019

Atendeka Kiboga agamba nti ddiifiri yagisalirizza olwo Kireka n'egikuba mu Big League.

Kookifelixssekubuuza31 703x422

Ssekabuuza, atendeka Kiboga Young FC

Kiboga Young FC eya Big League, yeekwasizza ddifiri Daniel Otim okuva e Soroti gw’erumiriza okubalyamu olukwe n’abaggya mu kibalo ky’okwesogga 'Super' obutereevu sizoni ejja. Ku Lwokuna, Kiboga yakubiddwa Kireka United FC ggoolo 3-2 mu Big League nga guno gwe gwabadde guwa Kiboga enkizo okutangaaza emikisa gy’okumalira ku ntikko y’ekibinja kya Rwenzori. Kiboga yeekwasizza nti ddiifiri yabasalirizza bwe yasse ggoolo zaabwe ssatu n’abamma ne peneti gye bagamba nti yabadde ntuufu.


Kiboga yazze mu mupiira guno ng’eyagala buwanguzi okwekuuma akabonero Proline FC k’ebadde ebasinga ku ntikko y’ekibinja olwo bwe bagikyaza (Proline) nga April 25, wiiki ejja bagyekubire okweddiza entikko nga bwe balinda emipiira ebiri egiba gibulayo (Doves FC ku bugenyi ne Kira United FC awaka).


Felix Ssekabuuza atendeka Kiboga agamba nti baddiifiri ba Big League abamu balabika bazze n’ekigendererwa nga kyakubalemesa buwanguzi.
Agattako nti omupiira gwa Kireka gwe baakuba ggoolo 4-0 mu nsisinkano eyasooka, baabadde basobola okuguwangula n’eggoolo nga 5-1, wabula ddiifiri Otim yagabidde Kireka ggoolo ez’ekyeyonoonero, n’asazaamu Penati ne ggoolo za Kiboga entuufu.

“Ekyabadde ku kisaawe e Namboole nga kirabibwa n’omuto nti omupiira gwabaddemu ekkobaane, naye ffe tuli bwana bwa nkoko, tujja kwetakulira okutuusa nga tufuuse ensonga,” Ssekabuuza bwe yategeezezza kyokka yo Kireka yabawangudde ggoolo 3-2.


Proline y’ekulembedde ekibinja kya Rwenzori mu Big League n’obubonero 37, Kansai Plascon(34), Kiboga Young(33) ne Doves FC(33).

More From The Author

Emboozi z’omuwandiisi endala

Emboozi endala

Kid1 220x290

Oluvannyuma lwa Fresh Kid okuyita...

Oluvannyuma lwa Fresh Kid okuyita interview olwaleero aweereddwa ekifo ku Kampala Parents

Ham2 220x290

Mugisha Muntu alonze basatu mu...

Mugisha Muntu alonze basatu mu Buganda

Hot5 220x290

Eyali n'abagambibwa okutta omwana...

Eyali n'abagambibwa okutta omwana ne bamuziika ayiggibwa

Wat2 220x290

Poliisi n’amagye bagumbye e Namugongo...

Poliisi n’amagye bagumbye e Namugongo

kkooti egobye ogw’ettaka e Mityana...

kkooti egobye ogw’ettaka e Mityana