TOP

Aba volleyball bayigga obukadde 150

By Gerald Kikulwe

Added 28th May 2019

Ttiimu y'eggwanga eya volleyball eri mu kattu kakunoonya obukadde 150 esobole okwetaba mu z'okusunsulamu abalizannya mu mizannyo gya Afrika

Volleyballweb 703x422

Charles Kamunvi (ku kkono), Hadijah Namanda n'omutendesi Nason Bwengye

TTIIMU y’eggwanga ey’abasajja eya volleyball eri mu kattu kakunoonya obukadde 150 okusobola  okwetaba mu mpaka z’okusunsulamu abaneetaba mu mizannyo gya Afrika mu August.

Empaka z’okusunsulamu zitandika ku Ssande nga June 2, mu kibuga Nairobi ekya Kenya nga Uganda yaakubbinkana n’ensi musanvu okuli; Misiri, Ethiopia, Kenya, Rwanda, Tanzania, Sudan ne South Sudan, okufunako ttiimu emu eneekiikirira Zone 5, mu mizannyo gya Afrika egy’okubera e Morocco.

Hadijah Namanda, pulezidenti w’ekibiina ekiddukanya omuzannyo guno, yategeezezza nti abazannyi baakamala wiiki bbiri mu kutendekebwa kyokka ng’abakulembeze beeraliikirivu kuba ennaku ziweddeyo  ng’ensimbi obukadde 150 tebannazifuna.

Ssente zino kuliko ez’entambula, okusula, okulya n’ebyetaagisa ebirala bye baneeyambisa mu wiiki ennamba empaka gye zinaamala nga zigenda mu maaso.

 “Tw’ateekayo embalirira ya kawumbi kamu  mu NCS wabula twaweebwayo 8,000,000/-, ttimu y’abatasussa myaka 20 bwe yali egenda mu AFCON. Wiiki ewedde, twakyazizza amawanga ana (4) mu z’okusunsulamu kw’abakazi, naye tewali  yatukwatiddeko. Ku mulundi guno tusaba Gavumenti ne NCS batukwatireko,”Namanda bwe yeemulugunyizza.

 avid atende ngannyonnyola David Katende ng'annyonnyola

 

David Katende Ssemakula, amyuka Ssaabawandiisi wa NCS, yategeezezza nti tewali muzannyo gw’ewandiisa gutafuna buyambi, wabula ekiremesa emizannyo egimu bwe butagoberera mitendera mituufu ate n’obutayogera mazima naddala nga basisinkanye bannamawulire.

“Volleyball tuzze tubagikwatirako emirundi mingi. Obuzibu buli mu bakulembeze b’omuzannyo abatagoberera mitendera. NCS kibiina kinene nnyo ekitambulira ku bwerufu n’emitendera, naye aba volleyball b’alina emivuyo mingi era basaana beetereeze,” Katende bwe yategeezezza.

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...