TOP

Aba She Cranes beesunga World Cup

By Gerald Kikulwe

Added 10th June 2019

Ttiimu y'eggwanga ey'okubaka eya She Cranes eggumidde oluvannyuma lw'omu ku bapulofeesono okubeegattako mu kutendekebwa

Netballweb 703x422

Abazannyi ba She Cranes, okuva ku kkono;Ruth Meeme,Joan Nampungu,Mary Nuba, Stella Nafula,Lilian Ajio, Sylivia Nanyonga, Muhayimina Namuwaya,Stella Ayella, Betty Kizza, Racheal Nanyonga, Jeasca Achan.

 

SSITA wa ttiimu y’eggwanga ey’okubaka (She Cranes) Mary Nuba, ezannyira mu Loughborough Lightning mu Bungereza, ayongedde ebbugumu mu nkambi gye yeegasseeko ku Mmande.

Nuba, eyatuuse mu ggwanga ku wiikendi, ku Mmande ku makya yabukeereezza nkokola  ne yeegatta ku banne  abamaze omwezi omulamba mu kutendekebwa e Lugogo.

She Cranes yeetegekera World Cup agenda okubeera mu kibuga Liverpool mu Bungereza, wakati wa July 12-21.

“Tulina ttiimu ennungi, naye tubulamu emifumbi n’okuggyayo amaanyi g’Ekifirika nga tuli ku kisaawe. Abazungu bagatta obwongo, okutendekebwa okw’omuguundu n’amaanyi, era bwe tuba baakukola bulungi, tulina okwongera obukodyo obupya mu nzannya yaffe," Nuba bwe yategeezezza

Wiiki ewedde, Ssaabawandiisi w’ekibiina ekivunaanyizibwa ku mizannyo mu ggwanga (NCS) Dr.Bernard Ogwel, y’ayanjula ttiimu y’abazannyi 15 n’abakungu 6 abagenda okukiikirira Uganda mu mpaka zino.

Abaalondeddwa kuliko; Jesca Achan, Lilian Ajio, Betty Kizza, Ruth Meeme, Joan Nampungu, Muhayimina Namuwaya, Stella Nanfuka, Racheal Nanyonga, Sylivia Nanyonga ne Stella Oyella, Mary Nuba, ne Peace Proscovia.

Martha Soigi, Irene Eyaru ne Shariffie Nalwanja  be bateereddwa ku katebe, ate Norah Lunkuse, Irene Akello, Hindu Namutebi ne Fausia Nakibuule be baasaliddwaako.

 

 

 

More From The Author

Emboozi z’omuwandiisi endala

Emboozi endala

Lab2 220x290

Ekibiina ekigatta bannannyini mawoteeri...

Ekibiina ekigatta bannannyini mawoteeri kivuddeyo ku bye bbibiro lya Murchion Falls

Afiiriddemukkanisa3 220x290

Afiiridde mu kkanisa

Poliisi y’ekitundu ereese kabangali okutwalirako omulambo mu ggwanika kyokka abagoberezi ne bagiremesa nga bagamba...

Dsc8388 220x290

Weewale okukuba endobo mu mmotoka...

N (Neutral) baagiteeka mu mmotoka si kugikozesa kukuba ndobo wabula kwawula D (Drive) ne R (Reverse).

Abasubuuzingabatunuliraemaaliyabweeyayidde2 220x290

Omuliro gusaanyizzaawo ekibanda...

Bano balumiriza omukulu w’essomero lya Biral P/S, Tekana Bruhan erisangibwa e Bwaise okuba emabega w’okwokya ekibanda...

Lop2 220x290

Ssebo Square Milez omukono teguwaba...

Ssebo Square Milez omukono teguwaba