TOP

Aba USPA basiimye owoobuzito

By Silvano Kibuuka

Added 10th June 2019

Bannamawulire ba USPA basiimye Roy Mubiru omusituzi w'obuzito, ku buzannyi b'omwezi gwa May, lwakuwangula emidaali gya zaabu 2

Powerpowerweb 703x422

Roy Mubiru (ku kkono), ng'alamusa Dr. Patrick Ogwel, akola nga ssabawandiisi wa NCS.

Omusituzi w’obuzito Roy Mubiru, amezze ttiimu y’eggwanga eya Beach Woodball, ku buzannyi bw’omwezi gwa May, mu kulonda kwa bannamawulire  abawandiika ag’emizannyo, nga beegatira mu kibiina kya USPA (Uganda Sports Press Association).

Mubiru yafunye obululu 300 nga bamusiima  okukiikirira obulungi eggwanga n’awangula emidaali gya zaabu ebiri mu Ukraine, mu mpaka z’ensi yonna ezeetabiddwamu abazannyi okuva mu mawanga 24. Omugatte yasitudde kkiro 555.

Eya Beach Woodball, eyawangudde emidaali gya zaabu mukaaga  e Ntebe mu z’ensi yonna, yakuttte kyakubiri ku bululu 280, ate omuddusi Jackob Kiplimo eyawangudde emisinde gya kirommita 10 e Manchester mu Bungereza, n’akwata kyakusatu, ku bululu 275.

Mubiru zaabu esooka yagifunye mu kuwangula aboobuzito bwe obwa kkiro 125, ate endala bwe yasiinze abazannyi bonna abeetabye mu mpaka zino.

 oy ubiru Roy Mubiru

 

Abalala abaasiimiddwa mu May ye ttiimu ya Proline FC, eyawangudde Uganda Cup,  St. Mary’s Kitende eyawangudde eza COPA Coca Cola 2019 ne ttimu ya volleyball ey’abakazi, eyakutte ekyokubiri mu z’okusunsulamu eza Afrika.

USPA era erangiridde nti Kasana SSS, yaggiddwa ku buwanguzi bwa April ne buweebwa KCCA eyali ekutte ekyokubiri kubanga ebikonde bye yali esinzidde okuwangula byaggwa nga March 31.

Pulezidenti wa USPA, Patrick Kanyomozi akubirizza amatabi ga USPA amapya mu bitundu omuli Masaka, Hoima, Gulu ne Mbale, okwongera okuloondoola abazannyi mu bitundu ebyo, basobole bamanyike.

Bino byabadde mu lutuula lwa Nile Special – USPA, olwa buli mwezi, olwabadde ku wooteeri ya Imperial Royale, ku Mmande.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...