TOP

She Mak ekamirwa bina

By Musasi wa Bukedde

Added 12th June 2019

She Mak ekamirwa bina

Kip2 703x422

Doves 0-2 She Mak FC Bagamba nti ky'otonnalya tokyesunga. Sizoni eno we yatandikira ng’abazannyi n’abawagizi ba ttiimu ya Lady Doves, ttiimu y’abakazi ey’omupiira, beesunga kuwangula bikopo bibiri (2) bafuuke ba ‘nnaalongoby’.

Bano baasooka kuggyibwa mu kikopo kya liigi y’omupiira gw’abakazi, bwe baakubwa UCU Lady Cardinals ggoolo 2-0 ku fayinolo y’akakungunta aka FUFA Women Elite, ne basigala nga basuubira nti wadde obwa ‘nnaalongo’ bubalemye, banaabukayo n’ekikopo sizoni eno.

Ku Lwomukaaga, ttiimu ya She Mak essuubi lino yalimazeewo bwe yabakubidde ku fayinolo ya FUFA Women Cup, ggoolo 2-0, ne batwalako ekikopo. Ggoolo ya Jemima Twesigye, eyabadde eya peneti mu kitundu ekisooka n’eyakyeteeba eya Gladyc Nakitto, ze zannyogozza abawagizi ba Lady Doves ey’ e Masindi.

Kapiteeni wa Uganda Martyrs era omuzibizi wa Crested Cranes, Shadia Nankya ye yanywedde mu banne akendo mu kulengera akatimba, ne ggoolo musanvu, Amina Nababi, omuwuwuttanyi wa She Mak, n’alondebwa ky’omuzannyi asinze banne ate eky’omukwasi wa ggoolo ne kiweebwa Vanessa Karungi owa She Corporates.

Bakyampiyoni bafunye obukadde 3,000,000/- ate Lady Doves n’efuna 2,000,000/-. Ebirabo ebyaweereddwa abawanguzi sekinnoomu, kyagendeddeko emitwalo 10

More From The Author

Emboozi z’omuwandiisi endala

Emboozi endala

Got2 220x290

Obadde okimanyi nti butto w’ekisubi...

Obadde okimanyi nti butto w’ekisubi akola ku musujja mu bantu, enkoko n’ebisolo ? Soma wano mu mboozi y'omukenkufu...

Lab2 220x290

Bawadde endowooza ku Ssemateeka...

Bawadde endowooza ku Ssemateeka

Kcca1 220x290

Mutebi awawudde abazannyi be

Lwokutaano, KCCA yeetegekera kuddiηηana ne African Stars ey'e Namibia, mu CAF Champions League e Lugogo. Mu gwasooka,...

Aviv 220x290

Aviv akubye ku mattu

Aviv, eyamenyekera mu kutendekebwa mu Amerika omwezi oguwedde wabula kati ali mu mbeera nnungi ng’era empaka za...

Kip2 220x290

Kkooti ewadde Lukwago obukadde...

Kkooti ewadde Lukwago obukadde 600