TOP

She Cranes eggumidde

By Musasi wa Bukedde

Added 12th June 2019

She Cranes eggumidde

Fut2 703x422

OMUTEEBI wa ttiimu y’eggwanga ey’okubaka, She Cranes, Mary Nuba, azannyira mu Loughborough Lightning eya Bungereza, yeegasse ku ttimu eno, n'aleeta ebbugumu mu nkambi.

Nuba yatuuse ku wiikendi, ku Mmande ku makya n'agenda e Lugogo, banne gye bamaze omwezi omulamba mu kutendekebwa nga beetegekera World Cup. Empaka zino zaakuzannyibwa wakati wa July 12-21 mu kibuga Liverpool e Bungereza. "Tulina ttiimu ennungi, naye tubulamu emifumbi n’okuggyayo amaanyi g’Ekifrika ku kisaawe.

Abazungu bagatta obwongo, n'okutendekebwa okw'amaanyi, naffe bwe tuba baakukola bulungi, tulina okwongera obukodyo obupya mu nzannya yaffe," Nuba bwe yannyonnyodde. Wiiki ewedde, ssaabawandiisi w’akakiiko akavunaanyizibwa ku mizannyo mu ggwanga aka NCS, Dr. Bernard Ogwel, yayanjudde abazannyi 15 n’abakungu mukaaga abagenda okukiikirira Uganda.

Ku bazannyi 17 abaabadde mu nkambi, 10 be baateereddwa ku ttiimu. Kuliko; Jesca Achan, Lilian Ajio, Betty Kizza, Ruth Meeme, Joan Nampungu, Muhayimina Namuwaya, Stella Nanfuka, Racheal Nanyonga, Sylivia Nanyonga ne Stella Oyella. Bano kwe kwegasse Nuba Cholhok ne Peace Proscovia, azannyirwa mu Australia.

Martha Soigi, Irene Eyaru ne Shariffie Nalwanja, baateereddwa ku katebe ate Norah Lunkuse, Irene Akello, Hindu Namutebi ne Fausia Nakibuule ne basuulibwa

More From The Author

Emboozi z’omuwandiisi endala

Emboozi endala

Ye 220x290

Omusajja ow'ebbuba asazeesaze mukazi...

OMUSAJJA alumbye mukyala we ku bugenyi gw’alinamu abaana bana, n’amusala obulago n’amutta ng’amulumiriza obwenzi....

Funsa 220x290

Eyali Bishop. w'e Moroto afudde...

EYALIKO Omusumba w’e Moroto Bp. Henry Apaloryamam Ssentongo 83, afudde.

Fdc21a700517 220x290

Kkooti egobye omusango gwa Besigye...

KKOOTI etaputa Ssemateeka ewadde Dr. Kiiza Besigye amagezi okugenda mu kkooti ezize oba eri omulamuzi eyamulayiza...

Gavana w’e Nairobi ayiwaayiwa ssente...

GAVANA w’ekibuga Nairobi e Kenya, Mike Sonko 44, ayiwaayiwa ssente n’okukozesa ebintu ebiriko zaabu gamumyukidde...

Jangu 220x290

Maama alaajanira omwana we gwe...

ABATUUZE abaakedde ku muyiggo gw’okunoonya omwana wa mutuuze munnaabwe abadde yabula wiiki bbiri, baakubiddwa encukwe...