TOP
  • Home
  • Mupiira
  • Eyali omuzannyi wa Arsenal agirabudde ku kukansa David Luiz

Eyali omuzannyi wa Arsenal agirabudde ku kukansa David Luiz

By Musasi wa Bukedde

Added 8th August 2019

Luiz abadde yaakassa omukono ku ndagaano empya ya myaka ebiri mu Chelsea. Asuubirwa okussa omukono ku ndagaano ya bbanga lye limu mu Arsenal.

2016chelsealuiz 703x422

David Luiz omuzibizi Arsenal gw'eperereza okuleeta.

EYALIKO omuzibizi wa Arsenal, Martin Keown alabudde omutedesi wa ttiimu eyo, Unai Emery nti okukansa omuzibizi David Luiz kya bulabe nnyo.

Luiz, 32, owa Chelsea ali ku ndeboolebo ya kugenda mu Arsenal ku bukadde bwa pawundi munaana, ekintu Keown ky’awakanya.

Omubrazil ono yeecanze ku ssaawa envannyuma n’agaana okutendekebwa mu Chelsea ssaako okwekola obusolosolo ekyamuviiriddeko Chelsea okumuta.

Keown agamba nti, Luiz si ye muzannyi Arsenal gwe yeetaaga kuba akola nnyo ensobi ekiyinza okuviirako ttiimu okuteebwanga.

“Muzannyi mulungi mu kugaba omupiira kyokka tamanyi kukuuma mulabe era emirundi mingi Chelsea ekubiddwa ggoolo lwa nzibira mbi eya Luiz,” Keown bwe yagambye.

Luiz yaliko mu PSG ng’etendekebwa Unai Emery kati ali mu Arsenal era kigambibwa nti kyamwanguyidde okumukkirizisa okujja mu Arsenal.

Mu ngeri y’emu, Arsenal yakkirizza okukansa omuzibizi wa Celtic, Kieran Tierney azannye nnamba ssatu. Omuzannyi ono mu kiseera kino ali mu kugezesebwa abasawo ba Arsenal.

 

More From The Author

Emboozi z’omuwandiisi endala

Emboozi endala

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.

Hat12 220x290

Bebe Cool atongozezza Kampeyini...

Bebe Cool atongozezza Kampeyini y'okulwanyisa TB oluvannyuma lw'okusaka ensimbi ezikunukkiriza obuwumbi bubiri...

Freskid10 220x290

Fresh Kid akunze abato okweyiwa...

Fresh Kid akyaddeko ku kitebe kya Vision Group n'akunga abazadde okuleeta abaana baabwe mu kivvulu kya Toto Christmas...