TOP
  • Home
  • Mupiira
  • Mourinho alumbye Lampard olw'okukubwa ManU

Mourinho alumbye Lampard olw'okukubwa ManU

Added 12th August 2019

Guno gwe mupiira gwa Premier Lampard gw'asoose okubeera mu mitambo gya Chelsea bukya alya butendesi obwo.

 Lampard ng'ayogerako n'omuzannyi we Mount.

Lampard ng'ayogerako n'omuzannyi we Mount.

EYALI omutendesi wa Chelsea ne ManU, Jose Mourinho alumbye Frank Lampard kati atendeka Chelsea nti ensobi ze yakoze ku Ssande, ze zaamuviiriddeko okukubwa.

ManU yatimpudde Chelsea ggoolo 4-0 mu gwe bagguddewo nagwo Premier kyokka Mourinho, eyaliko omutendesi wa Lampard mu Chelsea, agamba nti ennonda ya ttiimu yakoze kinene mu kubakubya.

Mourinho agamba nti okutandisa Mason Mount ne Tammy Abraham yabadde nsobi kuba abazannyi abo omupiira ogwa puleesa nga guno baabadde tebasobola kuguggyamu kiramu.

 ndreas hristensen owa helsea ku kkono ngattunka ne nthony artial an yawangudde ggoolo 40 Andreas Christensen owa Chelsea (ku kkono) ng'attunka ne Anthony Martial. ManU yawangudde ggoolo 4-0.

 

Mu nsiike eno, abazannyi okuli; Olivier Giroud, Marcos Alonso ne N'Golo Kante baatandikidde ku katebe, Mourinho ky'agamba nti kyabadde kikyamu.

Mu ngeri y'emu, Mourinho avumiridde eky'okuleka Willian ebbali n'agamba bw'aba teyabadde na buvune, yandibadde atandika.

Lampard yafuuse omutendesi wa Chelsea owookubiri okukubwa omupiira oguggulawo okuva Avram Grant naye lwe yakubwa ManU (2-0) mu September wa 2007.

Lampard, era yafuuse omutendesi wa Chelsea asoose okukubwa obubi ennyo okuva mu 1978, Middlesbrough lwe yabakuba ggoolo 7-2.

Guno gwe mulundi ManU gwe yasoose okukuba Chelsea obubi ennyo bw'etyo mu myaka 54.

More From The Author

Emboozi z’omuwandiisi endala

Emboozi endala

Ba Kansala ku district e Ki...

Ba Kansala ku district e Kiboga bakubye ebituli mu budget ya District

Emitimbagano gya Vision Gro...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Ensonga za Brian White ez'o...

Ensonga za Brian White ez'okkabasanya abaali abakozi be zisajjuse

Engeri akasaawe k'e Mulago ...

Engeri akasaawe k'e Mulago gye kaalera Jimmy Kirunda

 Poliisi n’abatuuze nga bateeka omulambo gwa Mukiibi ku kabangali.

Afiiridde mu kibanda kya fi...

Afiiridde mu kibanda kya firimu e Mukono