TOP

Abeebikonde boongeddwaamu ebirungu

By Musasi wa Bukedde

Added 15th August 2019

Ttiimu y'eggwanga eyeebikonde yeeyongeddemu ebbugumu olw'ensimbi ezibasuubiziddwa

Boxing22web 703x422

Ttiimu ya The Bombers mu kkomera e Luzira gy’abadde yakuba enkambi. Wakati mu nkonfiira enzirugavu ye Moses Muhangi. Amuddiridde ku kkono y’amyuka akulira emizannyo e Luzira ASP Robert Lwanve ne ASP Papus Muhurizi, ow’ensambaggere ne taekwondo.

Bya Fred Kisekka

EKIBIINA ekiddukanya ebikonde mu ggwanga ekya Uganda Boxing Federation (UBF), kitaddewo kavvu ku buli mudaali ogunaawangulwa abazannyi ba ttiimu y’eggwanga ‘The Bombers’.

Abeebikonde be bamu ku bazannyi ba Uganda abagenda mu mizannyo gya Afrika egitandika nga August 19, mu kibuga Rabat ekya Morocco, gikomekkerezebwe nga August 31.

Moses Muhangi,  pulezidenti wa UBF, yagambye nti buli anaawangula omudaali gwa zaabu waakuweebwa 2,000,000/-,  feeza (1,500,000/-)  ate ow’ekikomo afune 1,000,000/-.

“Twagala abazannyi baffe bazannye ng’emitima gibali wamu, kye tuvudde tubateerawo ebirabo bino,” Muhangi bwe yannyonnyodde.

The Bombers yagendeddemu abazannyi munaana, abasajja mukaaga; Shadir Musa Bwogi, Isaac Masembe, Champion Busingye, Joshua Tukamuheebwa, David Kavuma Ssemujju, Solomon Geko,  n ’abawala babiri; Jalia Nali ne Hellen Bakaleke.

Ttiimu ya The Bombers  mu kkomera e Luzira gy’abadde yakuba enkambi. Wakati mu nkonfiira enzirugavu ye Moses Muhangi. Amuddiridde ku kkono  y’amyuka akulira emizannyo e Luzira ASP Robert Lwanve ne ASP Papus Muhurizi, ow’ensambaggere ne taekwondo.

 

More From The Author

Emboozi z’omuwandiisi endala

Emboozi endala

Kola 220x290

Leero mu mboozi y'omukenkufu, tukulaze...

OKUFAANANAKO Vanilla, abantu bangi baalima Moringa naye oluvannyuma ne bamutema yenna bwe baabulwa akatale era...

Abazibizi bayambye KCCA okusigala...

ABAZIBIZI ba KCCA okuli Peter Magambo ne Filbert Obenchan beetisse olunaku oluvanyuma lw'okuteebera ttiimu yaabwe...

Af09802412db404ba5f90092737e343c 220x290

Beeraze eryanyi mu mpaka za ddigi...

Bannayuganda bababuusizza 'ebibanda' mu mpaka za ddigi e Busiika

8501711138333059433538208315854187468423168o 220x290

Munnayuganda Joshua Cheptegei amenye...

Munnayuganda Joshua Cheptegei amenye likodi y'ensi yonna

Writer 220x290

Omusajja yeetugidde ku buko!

OMUSAJJA agenze ku buko mukyala we gw’alinamu abaana mwenda gye yanobera ne yeetugira ku muti.