TOP

Proline etutte Matia Lule

By Ismail Mulangwa

Added 19th August 2019

Ekifo ekyabadde ekya Shafiq Bisaso ku Proline kitwaliddwa Matia Lule.

Prowew 703x422

Lule (mu bimyuufu) ng'awa abazannyi ba Proline ebiragiro

Eyaliko omutendesi wa Express ne Cranes, Matia Lule agudde mu bintu kiraabu ya Proline FC bw’emuggye katebe n’emuwa obutendesi bwa ttiimu eno oluvannyuma lwa Shafiq Bisaso okugenda e Sweden okwongera okubangulwa.

Leero kiraabu ya Proline FC lw’eyanjudde Matia Lule mu butongole e Lugogo okwongera okusitula omutindo gwa ttiimu eno naddala nga yeetegekera okuzannya oluzannya olwokubiri mu mpaka za CAF Confederations Cup.

 ulius akkabulindi atwala emiru mu roline ku ddyo ngakwasa ule omujoozi mu kumwanjula Julius Bakkabulindi atwala emiru mu Proline (ku ddyo) ng'akwasa Lule omujoozi mu kumwanjula.

 

Wiiki ewedde, Bisaso bwe yasindikiddwa mu Eskilsmine FC ey’ekibinja ekyokuna mu liigi y’e Sweden gy’agenda okumala emyaka ebiri ng’abangulwa mu butendesi.

Matia Lule yagambye nti agenda kukola ekisoboka kyonna okulaba nga Proline agiteeka ku maapu olw’ensonga nti liigi agimanyi bulungi era ekimuwadde obuvumu be bazannyi abato.

“Mbadde sirina ttiimu yonna wabula ng’omuntu nga njagala okwekuumira ku mupiira okusinga okubeera awo nga tolina ky’okola era ng’enda kukozesa omukisa guno okulaba nga ttiiimu evuganya sizoni eno,”

 bowa ku ddyo agenda okumyuka ule ku kkono Mbowa (ku ddyo) agenda okumyuka Lule (ku kkono).

 

Baker Mbowa ne Issa Sserwanja be bagenda okumyuka Lule ku ttiimu eno.

More From The Author

Emboozi z’omuwandiisi endala

Emboozi endala

Un 220x290

Abooluganda lwa Nabukenya owa Poeple...

OMUBAKA wa Kyaddondo East, Robert Kyagulanyi Ssentamu amanyiddwa nga Bobi Wine, asinzidde mu kuziika, Ritah Nabukenya...

Time 220x290

Ebipya bizuuse ku nfa ya Nabukenya...

ABAALABYE akabenje akaavuddeko okufa kw’omuwala wa People Power, Ritah Nabukenya bye boogera bikontanye ne lipooti...

Tembeya 220x290

Walukagga atadde akaka mu luyimba...

Nga yaakamala okugaanibwa okuyimba ku mukolo ogumu e Mpigi gyebuvuddeko, omuyimbi Mathias Walukagga embeera agiyimbyemu...

Tin1 220x290

Pressure esse abafamire babiri...

Pressure esse abafamire babiri omulundi gumu

Harvest 220x290

Amagye lwe gassa ku Mubarak akazito...

Amagye lwe gassa ku Mubarak akazito n'alekulira