TOP

Cranes yaakutambulira mu Bombardier

By Silvano Kibuuka

Added 23rd October 2019

Abakungu ba FUFA bagamba nti ennyonyi ya Uganda Airlines y'egenda okubatumbuza nga bagenda okuzannya Burkina Faso mu mpaka ezisunsula abalizannya eza Afrika.

Fufaafconprepsoct23bukedde6 703x422

Okuva ku kkono ye mumyuka wa pulezidenti Darias Kigoye, omutendesi John Mckinstry, akola nga pulezidenti JUstus Mugisha ne Decolas Kiiza omukwanaganya wa Cranes.

FUFA epangisizza ennyonyi ya Uganda Airlines empya (Bombardier) okutwala ttiimu ya Cranes e Burkina Faso basambe omupiira ogusooka ogw’okusunsula abanaasamba ez’akamalirizo eza AFCON Cameroon 2019.

Yaakubalinda n’okubazza basobole ate okwetegekera ogwa Malawi oluvannyuma lw’ennaku ssatu zokka mu kampenyi y’emu.

Entegeka zino zanjuliddwa Mengo ku kitebe kya FUFA bwe babadde batongoza kampeyini eno okusobozesa Uganda okuddayo mu African Cup of Nations omulundi ogwokusatu ogw’omuddiring’anwa nga zirangiriddwa akola nga pulezidenti wa FUFA, Justus Mugisha abadde n’omutendesi John Mckinstry, omukwanaganya wa Cranes Decolas Kiiza ne Darias Mugoye omumyuka wa pulezidenti wa FUFA (asooka kati).

Bano balangiridde nti FUFA etaddewo ebifo 30 ku Bombardier eby’abawagizi abanaagenda ne Cranes e Burkina Faso nga baakusasula doola 1500 batambule ne Cranes wamu n’okusula ku wooteeri y’emu era ne tikiti okuyingira ekisaawe.

“Tusazeewo okupangisa ennyonyi kubanga olunaamala okusamba Burkina Faso nga November 13 tujja ate kusamba Malawi nga November 17 ekitegeeza tulina okudda e Kampala nga bukyali,” Mugisha bwe yategeezezza.

More From The Author

Emboozi z’omuwandiisi endala

Emboozi endala

Lab12 220x290

Okulonda kwa Ssentebe wa NRM e...

Okulonda kwa Ssentebe wa NRM e Mityna kuzzeemu kigoye wezinge

Gwe1 220x290

Taata bamuwadde emitwalo 30 n'awaayo...

Taata bamuwadde emitwalo 30 n'awaayo omwana we ew'omusamize bamusadaake

Nkumba2jpgweb 220x290

Abadde ayingira mu ofiisi z'ebizimba...

Allan Nkumba omutuuze w'e Kabowa mu Sserwadda zooni ye yakwatiddwa poliisi ya CPS ku Lwokusatu oluvannyuma lw’okugenda...

Sjpgweb 220x290

Eyanfunira omulimu mufiirako

Nze Innocent Katusiime 29, mbeera Nakawa. Buli lwe ndowooza ku ngeri gye nnasisinkanamu maama w’omwana wange essuubi...

Nsamba22pulaaniusewebuse 220x290

Mukuume obumu musobole okwekulaakulanya...

Ab'ekika ky'Engabi beetaaga obukadde 13o okuzimba ekiggwa kyabwe