TOP
  • Home
  • Mupiira
  • Bulemeezi ne Busiro beepikira fayinolo z'amasaza

Bulemeezi ne Busiro beepikira fayinolo z'amasaza

By Moses Kigongo

Added 25th October 2019

ENKYA (Lwamukaaga) fayinolo y'empaka z'omupiira ez'Amasaza ga Buganda yaakuyinda e Namboole wakati wa batabani ba Kkangaawo (Bulemeezi) n'aba Ssebwana (Busiro).

Bika2 703x422

Abawagizi ba Busiro lwe baakuba Buddu ku semi.

Lwamukaaga mu Masaza Cup;

Ogwekyokusatu; Buddu - Kyaddondo, 5:00

Fayinolo; Bulemeezi - Busiro, 9:00

Ssaabasajja yasiimye okuggalawo empaka zino nga waakusookawo omupiira gw'okulwanira ekyokusatu.

Guno guli wakati wa batabani ba Pookino (Buddu) n'aba Kaggo (Kyaddondo).

Fayinolo eno ya mulundi gwakutaano ogw'omuddirihhanwa mu kisaawe ky'e Namboole.

Ttiimu zombi ziweze masajja okusitukira mu kikopo nga buli emu egamba nti Kabaka gy'ajja okukwasa ekikopo.

 tiimu ya ulemeezi Ttiimu ya Bulemeezi

 

Omuwanguzi waakuddayo ne kavvu wa bukadde 12, owookubiri (9,000,000/-), owookusatu (7,000,000/-) ate owookuna 5,000,000/-.

BULEMEEZI

Abantu abazaalibwa mu ssaza lino bayitibwa 'Balyannaka'.

Essaza lirimu amagombolola 15 n'ebibuga ebiwerako omuli; Bombo, Wobulenzi, Ngoma, Kasana, Luweero, Ssemuto, Kapeeka, Nakaseke n'obulala.

kikopo kyamasazaEkikopo ky'amasaza

 

Ttiimu yaabwe etendekebwa Simon Mugerwa ng'ayambibwako Yusuf Kinene ate abakungu kuliko; Sulait Makumbi, Juma Kasolo ne Andrew Walakira. Ku Semi, baakuba Kyaddondo ku mugatte gwa ggoolo 2-1.

AMAANYI GAAYO

1 Obumanyirivu bw'omutendesi; Mugerwa y'amyuka omutendesi wa Bright Stars, evuganya mu liigi ya babinywera ne Buddo SS.

Buddu okuwangula ekikopo ky'Amasaza mu 2016, Mugerwa ye yali amyuka omutendesi Steven Bogere. Ku fayinolo ya 2015 ne sizoni ewedde, ye yali mu mitambo gya Buddu.

2 Akakiiko k'ebyekikugu; Kano kaliko maneja SulaitMakumbi aludde ng'ali ne ku ttiimu z'eggwanga ento, SC Villa ne Nyamityobora. Omulala, Juma Kasolo y'akulira omupiira e Kawempe, Andrew Walakira, agukulira e Luweero ate Yusuf Kinene yazannyirako ttiimu nnyingi eza Super n'aziwangulira ebikopo.

3 Yakiwangulako; Bulemeezi emanyi obuwoomi bw'ekikopo kuba yakitwala mu 2012. Kino kiwa abazannyi baayo obuvumu n'obutaba na kiwuggwe kuba baakitwalako okusinga Busiro etekitwalangako.

4 Ssente weeziri; Bulemeezi evujjirirwa Gen. Salim Saleh owa Namunkekeera Industrial Park, ne Rosemary Namayanja (omuwanika wa NRM), Charles Nsereko owa Kande Poultry Farm n'abalala.

Bano bazze bawa ttiimu eno ebyetaago era tejula.

OBUNAFU

Terina bassita; Ttiimu eno efumbekeddemu bamusaayimuto okuva mu ssomero lya Buddo SS ne liigi z'ebibinja bya wansi ekiyinza okubafunyisa okutya nga basambira mu maaso g'abantu abangi e Namboole.

BUSIRO

Lino ly'Essaza erisingamu amasiro ga Bassekabaka ba Buganda.

Lirimu amagombolola 10 ng'obubuga obusinga okumanyibwa ye; Nsangi, Kyengera, Kajjansi, Kakiri, Wakiso, Ntebe, Abayitaababiri

 tiimu ya usiro Ttiimu ya Busiro

AMAANYI GAAYO

1 Erina bassita; Erina abazannyira mu kiraabu za 'Super' okuli Mickdad Ssenyonga ne Ivan Serubiri (URA) ssaako Andrew Kigozi (Police) ng'ono yayitiddwaako ne mu Cranes ya CHAN.

2 Obumanyirivu mu Masaza; Busiro esinga Bulemeezi abazannyi fayinolo y'Amasaza abaludde mu mpaka zino okuli; Adad Mutumba, Ssenyonga ne Sserubiri. Bano baatuusa Buddu ku fayinolo y'omwaka oguwedde.

3 Omuteebi ow'entomo; Gerald Ogweti y'omu ku basinga ggoolo mu mpaka zino (5). Mu gy'okwegezaamu, ateebye 5 nga bakutte Kasanje FC, Masuuliita ne Ntebe.

4 Bajooga Bulemeezi; Omwogezi wa ttiimu ya Busiro, Sinan Waiswa yagambye nti Bulemeezi tebakubangako wadde mu mipiira egy'omukwano.

Baasisinkana mu 2017 e Ssentema Busiro newangula 3-0 ate bwe baddihhana e Kasana baalemagana 1-1. N'omwaka guno baalemagana 0-0 mu gwomukwano.

OBUNAFU

Tewangulanga ku kikopo Guno gwe mulundi ogusoose Busiro okutuuka ku fayinolo ekiyinza okubassaamu ekiwuggwe.

Abazannyi ba liigi Waliwo abagamba nti abazannyi ba 'Super' bazannya beesaasira olw'okutya okufuna obuvune.

More From The Author

Emboozi z’omuwandiisi endala

Emboozi endala

Know 220x290

Baze yanjiira asidi lwa kumugaana...

OBUTABANGUKO mu maka kimu ku bizibu ebiyuuya obufumbo mu ggwanga. Abakazi be basinga okukosembwa embeera eno era...

Laga1 220x290

Bwe nnafuna olubuto lw'abalongo...

NZE Ritah Byeganje, 25, ndi mutuuze mu Katoogo zooni mu muluka gwa Bwaise III e Kawempe. Nasinsinkana ne muganzi...

Yamba 220x290

Baze bwe yayingirira eby'okusamize...

EBIKOLWA by’okusamira n’okukozesa ebyawongo kimu ku bivuddeko obufumbo bw’ensangi zino okutabanguka.

Abakungubanrmmuofiisiyacaojamesnkataabaakulembeddwardcfredbamwineasookakuddyowebuse 220x290

RDC w’e Mukono akulembeddemu kaweefube...

Abakulembeze e Mukono bavuddeyo ku byobugagga bya disitulikiti y'e Mukono ebigambibwa okutundibwa

Abazaddenabongabavuganyamumpakazokuddukanolondaakapapulaobweddaobulimuebiraboebyenjawulowebuse 220x290

Abazadde bawangulidde abaana baabwe...

Omukulu w'essomero akakoze bw'addizza abazadde ebirabo n'abaleka nga bamutenda omwoyo gw'okuddiza