TOP

Wakiso ewera kumegga Police mu liigi

By Ismail Mulangwa

Added 28th October 2019

Abazannyi n'abatendesi ba kiraabu za Uganda enkya baakusabuukulula obukodyo bwe bafunye mu luwummula nga batuunka mu mipiira gya liigi.

Police1 703x422

Abazannyi ba Police mukutendekebwa.

BUL-Bright Stars 10:30

Express-Busoga United 10:30

Police-Wakiso Giants 10:30

SC Villa-URA 10:30

ENKYA abawagizi ba liigi ya Uganda bakuddamu okulaba ku ttiimu zaabwe ez’enjawulo nga zabika ebifuba n’okulwanira obubonero mu liigi ya Uganda Premier League.

Police FC etendekebwa Abdallah Mubiru ekyaza batabani ba Kefa Kisaala aba Wakiso Giants e Lugogo mu mupiira ogwa vvawo mpitewo kuba guno gwe guzza Mubiru engulu.

Bukya sizoni eno etandika mu September w’omwaka guno, Mubiru yaakawangulayo omupiira gumu gwokka ogwa Kyetume FC e Namboole ng’amaze emipiira esatu (3) egy’omuddirig’ana nga tawangula okubadde (Busoga United 2-1, Vipers 3-1 ne Express 5-3).

Wabula Kefa Kisaala atendeka Wakiso Giants awera kusuuza Mubiru mupiira gwakuna kuba ekirubirirwa kye ky’akumalira mu bana basooka sizoni eno.

“Police ttiimu nnungi era tetugenda kugyigaya wabula okuwumula kwa liigi kutuyambye okwetegeka ekimala n’abazannyi ababadde abalwadde okudda mu kutendekebwa,” Kisaala bwe yagambye.

Wakiso Giants mupiira ogwasemba yamegga Proline (2-1) e Wankulukuku ate Police yakubwa Busoga United (2-1) e Jinja nga be bamu ku bakwebedde mu liigi.

Mu ngeri y’emu Sam Simbwa ali ku puleesa yakuwangula mupiira gwakusatu sizoni eno. Yasemba kumegga Onduparaka (2-1) mu Arua. Bakyalira SC Villa eri mu kyokusatu n’obubonero 16 mu mipiira 9.

More From The Author

Emboozi z’omuwandiisi endala

Emboozi endala

A1 220x290

Ekyabadde mu ntujjo ya ‘Floral...

Ekyabadde mu ntujjo ya ‘Floral & Cocktail Party’ e Munyonyo ebyana gye byalagidde emisono n’emibiri nga bwe balya...

Afrigo 220x290

Lutalo ekintu akyekwatiddemu

OMUYIMBI w’ennyimba za laavu, David Lutalo (ku ddyo) kirabika akooye bapulomoota okumulyako ssente.

Tege 220x290

Kyokka mwana ggwe Lydia Jazmine!...

MWANAMUWALA Lydia Jazmine abamu gwe bayita muninkini wa gundi yamalayo. Akola bimusanyusa nga tafuddeyo ku bantu...

Kuba 220x290

Eyagaba abalongo bange yantamya...

NZE Charles Adwor, mbeera Mukono. Nasisinkana munnange mu 2014 nga nkyabeera e Jinja. Ebiseera ebyo nalina omulimu...

Melon1 220x290

Weyune enkola ya kontulakiti ofunemu...

OKUKOLA kontulakiti n’omuguzi y’emu ku ngeri omulimi n’omulunzi mw’asobola okuyita okufuna akatale k’ebintu bye...