TOP
  • Home
  • Mupiira
  • Aubameyang waakusubwa omupiira gwa Chelsea mu Premier

Aubameyang waakusubwa omupiira gwa Chelsea mu Premier

By Musasi wa Bukedde

Added 12th January 2020

Arsenal ezzaako kuttunka ne Sheffield United ku Lwomukaaga, omupiira gw'erina okuwangula okutangaaza emikisa gyayo okumalira mu bana abasooka.

2019arsenalvcrystalpalace4 703x422

Aubameyang (ku kkono) ng'attunka ne James McArthur owa Crystal Palace.

Abawagizi ba Arsenal abaavudde ku kisaawe kya Selhurst Park ekya Crystal Palace balina okuba abasanyufu olw’akabonero ke baggyeeyo.

Baalemaganye ggoolo 1-1 mu nsiike ya Premier eyabaddewo ku Lwomukaaga kyokka ensiike eno kaabuze kata baleme kuggyayo wadde akabonero.

Arsenal ye yasoose okuteeba mu ddakiika y’e 12 ne ggoolo ya kapiteeni Pierre Aubameyang kyokka mu ddakiika ya 54, Jordan Ayew n’akuba ey’ekyenkanyi.

Guno gwabadde mupiira gwakutaano sizoni eno nga Arsenal bagiva emabega ne bagiyunga.

Benkanyizza likodi gye bassaawo mu sizoni ya 2010-2011 era bwe baabava emabega mu mipiira gye gimu ne babalemesa okuwangula.

Mu mupiira gye babavudde emabega, Arsenal bagikubyeko ena ate emirala ena ne giggweera mu maliri.

Mu mupiira guno, kapiteeni Aubameyang yafuniddemu kaadi emmyuufu olw’okuzannyisa ettima ku Max Meyer ekitegeeza nti waakusubwa emipiira esatu egiddako.

Arsenal yasigaddewo mu kifo eky’e 10 ku bubonero 28 mu mipiira 22.

 

 

 

More From The Author

Emboozi z’omuwandiisi endala

Emboozi endala

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....

Apass1 220x290

A Pass yeegobye mu luyimba lwa...

A Pass atabukidde Bebe Cool ku luyimba lwa ‘Corona Distance’, amulanga kumugattika na Fresh Daddy gw'ayita kazannyirizi...