TOP
  • Home
  • Ebyobulimi
  • Omulimi Umaru Ddumba ng’alaga engeri kasooli we gyya’iiriddwaamu akawuka.

Omulimi Umaru Ddumba ng’alaga engeri kasooli we gyya’iiriddwaamu akawuka.

By Musasi wa Bukedde

Added 10th April 2017

“Natandika okukafuyira eddagala nga kasooli wa wiiki bbiri nga mmanyi nti bwe buno obulwadde obwa bulijjo. Wabula buli ddagala lye nkozesezza ligaanye okukola, tugenda kufa enjala,” bwe yennyamidde.

Busaanyi1 703x422

Omulimi Umaru Ddumba ng’alaga engeri kasooli we gyya’iiriddwaamu akawuka.

Bya AMON MUKASA

AKAWUKA akalya kasooli keeyongedde okusensera emisiri e Mukono, emitima ne gibeewanika olw’okukozesa eddagala okukafuuyira kyokka ne litakola.

Embeera eno esinze kulabika mu ggombolola y’e Nabbaale naddala ku byalo Gonve, Kaabawala, Makukuba, Kizima, Nakanyonyi, Bukooza, Kakinzi n’ebirala akasaanyi gye kasaanyizzaawo emisiri gya kasooli.

Engeri akawuka gye kaliddemu kasooli mu kitundu kino evuddeko abakugu mu byobulimi okuva ku disitulikiti e Mukono ne mu minisitule y’ebyobulimi okutuukako mu kitundu.

Hajji Umaru Ddumba, omulimi ku kyalo Makukuba, omu ku basinze okukosebwa akawuka kano olwa yiika za kasooli 12 ze kaasaanyizzaawo yategeezezza abakugu nti buli kika kya ddagala ky’abadde akozesa okufuuyira akawuka tekimuyambye.

“Natandika okukafuyira eddagala nga kasooli wa wiiki bbiri nga mmanyi nti bwe buno obulwadde obwa bulijjo. Wabula buli ddagala lye nkozesezza ligaanye okukola, tugenda kufa enjala,” bwe yennyamidde.

Fred Mukulu, akulira ebyobulimi e Mukono yategeezezza nti akawuka kano kayitibwa Hummer, kalinga kasaanyi era nga kaalulwa akawojjolo akabiika amagi oluvannyuma ne kaalula ne katandika okulya.Yalabudde nti keekweka mu lulimi lwa kasooli nga kalya mu biseera ng’enjuba emaze okugwa okutuusa ku makya ku ssawa nga 12:30 ng’enjuba tennaba kuvaayo.

“Mulina okwegendereza n’eddagala lye mufuuyira kuba erisinga terikatta.

Eddagala lya Dudu-Fenos 440 likola era bw’obeera oligula weegendereze kuba waliwo ebicupuli naye lino liriko ekigambo Dudu-Fenos 440 Profenotos 400gms ne Cypermethrin 40mg. Mufuuyire ng’enjuba emaze okugwa ne ku makya ng’enjuba tennaba kuvaayo,’’ bwe yannyonnyodde.

Omwogezi wa Minisitule y’ebyobulimi, Consolata Acayo yategeezezza nti akawuka kano kati kasensende Disitulikiti 50 mu Uganda n’amawanga ga Afrika 10 omuli ne Kenya.

More From The Author

Emboozi z’omuwandiisi endala

Emboozi endala

Gala 220x290

Aba ManCity tebajulira Bravo

CLAUDI Bravo ayolekedde okuvundira ku katebe mu Man City oluvannyuma lw’Omubrazil Ederson, eyaakagulwa mu Benfica...

Gobwa1 220x290

Owa Leicester City akwatiddwa ku...

Leicester, eyawangula Premier mu sizoni ya 2015-16 efuumudde omutendesi Craig Shakespeare olw’okulemwa okulinnyisa...

Waga 220x290

Liverpool etimpudde Maribor ggoolo...

OMUTENDESI wa Liverpool, Jurgen Klopp atenderezza abazannyi be obuteesaasira nga bawuttula Maribor eya Slovenia...

Banga 220x290

'Real Madrid egule Harry Kane'...

EYALIKO Pulezidenti wa Real Madrid, Ramon Calderon awadde abakungu ba ttiimu eno amagezi, okugula Harry Kane okumuggya...

Pala 220x290

Engeri gy’osaggula omukwano mu...

ABASAJJA bangi mulemwa okusaggula obuwoomi bw‛akaboozi ate ne mwekwasa ng‛abakazi bwe batabacamudde, so ng‛ensobi...