TOP

Budaaki etadde ssente mu kkolero erikola eddagala

By Herbert Musoke

Added 20th August 2018

OLUVANNYUMA lw’ebbanga ng’abalunzi bakaaba olw’eddagala effu n’oluusi eritabeerawo mu budde ekibafiiriza ssente, ensolo n’ebinyonyi byabwe, Uganda efunye kkampuni etandise okufulumya eddagala ly’ensolo n’ebinyonyi mu ggwanga.

United 703x422

Ivan Kafeero, akulira eby’entambuza y’emirimu mu Alfasan Uganda ng’alambuza omubaka wa Budaaki mu Uganda, Henk Van Baker (ku ddyo)ekkolero ly’eddagala lye bagenda okukola e Namanve.

Bwe yabadde atongoza ekkolero lino, Omubaka wa Budaaki mu Uganda Henk Van Baker era abamu ku baatadde ssente mu kuzimba ekkolero lino yagambye nti ekkolero lino lyakuyamba okukendeeza ensolo n’ebinyonyi ebibadde bifa olw’endwadde n’ebbula ly’eddagala erisobola okubijjanjaba mu budde.

“Uganda efiirwa ensolo n’ebinyonyi naddala enkoko olw’eddagala eritali lya mutindo n’oluusi obutabeerawo ekizza obulunzi emabega.

Okufuna ekkolero nga lino mu ggwanga kyakuyamba abalunzi okukendeeza okufiirizibwa kwe babadde bafuna okuva ku ddagala”, Baker bw’agamba. Mu Uganda ekitongole ky’okulunda kye kimu ku bisinga okukula ng’ekola ebitundu 30 ku 100 eby’ennyingiza y’eggwanga okutwalira awamu.

“Mu by’ennyingiza, akatale k’ebiva mu bulunzi mu Afrika kasuubirwa okulinnya okutuuka ku bitundu 200 ku 100 mu mwaka gwa 2030”, Baker bw’agamba.

Dr. Stephen Birungi, dayirekita w’ekkolero lino agamba nti ekkolero lyakufulumya ebika by’eddagala lyonna erikola ku nsolo okuli eby’obuwunga, ery’amazzi n’ery’empiso wabula batandise n’ery’obuwunga lya mirundi 12.

“Twatandise okufulumya eddagala nga mu kiseera kino tulindirira ekitongole kya NDA okuliyisa olwo tutandike okulissa ku katale abalunzi baffe batandike okuligula n’okulikozesa.

Mu ngeri y’emu tuli mu nteeseganya ne minisitule y’obulimi, obulunzi n’obuvubi okulaba nga tutandikawo enkola y’okukola etterekero ly’eddagala okulaba nga tusobola okwahhanga ebbula oba okubalukawo kw’obulwadde bwonna mu ggwanga n’amawanga ag’omuliraano”, Birungi bw’agamba.

Bano era baakubidde gavumenti omulanga okubayamba okubakolera amakubo okubawonya enfuufu gye bagamba nti etaataaganya amateeka agakkirizibwa okukolerwamu eddagala, amasannyalaze agavaavaako n’oluusi okubeera amatono ne gabafiiriza eddagala eribeera litandise okukolebwa n’ekifo awasobola okusaanyizibwawo n’okusuulibwa kasasiro okuva mu kkolero n’enguudo okubayamba ku kalippagano k’ebiduka.

More From The Author

Emboozi z’omuwandiisi endala

Emboozi endala

Funayo1 220x290

Ennima ya ‘Flax’ ekuwa ssente mu...

WIIKI ewedde nawandiise ku birime by’osobola okulima n’ofunamu ssente mu nkuba eno etonnya. Ekimu ku bye nakonyeeko...

Funayo1 220x290

‘Abakyala mukomye okwetonaatona...

AKULIRA ekibiina ky’abakyala abafumbo mu bulabirizi bwe Namirembe ekya Mother’s Union, Josephine Kasaato akuutidde...

Twala1 220x290

Abakyala n’abavubuka e Wakiso Gavt....

GAVUMENTI ewadde abakyala n’abavubuka ba Wakiso Town Council mu disitulikiti ya Wakiso ssente z’okwekulaakulanya...

Omukoziwekitongolengapakiraebyamaguziebitalikumutindo 220x290

 Abasuubuzi b’e Masaka beezoobye...

“Abasuubula ebintu bino mubamanyi era mmwe mubakkiriza nga babawadde enguzi bwe mumala n emwefuulira ffe abatalina...

20141largeimg216jan2014094040380703422 220x290

'Paasita' Kiwedde ayimbuddwa

Paasita William Muwanguzi, amanyiddwa nga ‘Kiwedde’ ayimbuddwa kkooti oluvannyuma lw’okumalako ekibonerezo ekyamuweebwa....