TOP

Ekibiina kirabudde ku njala kakutiya

By Musasi wa Bukedde

Added 5th April 2019

Ekibiina kirabudde ku njala kakutiya egenda okugwa mu mawanga ga Africa ag’omu buvanjuba omuli ne Uganda.

Unnamed21 703x422

Ekibiina kino ekiyitibwa Food Security and Nutrition Working Group (FSNWG) nga kye kivunaanyizibwa okulondoola oba abantu mu kitundu ekiyitibwa Greater Horn of Africa balina emmere emala kyalabudde nti abantu abasoba mu bukadde 10 mu mawanga omuli Uganda, Somalia, Kenya ne Ethiopia boolekedde okufa enjala olw’enkuba entono etonnya ate nga mu bitundu ebimu temuli wadde etondo.

Mu Uganda ekibiina kino kyanokoddeyo ekitundu ky’e Karamoja ng’ekimu ku ebyo ebigenda okukosebwa enjala.

Omwezi oguwedde ekibiina ekitaba bannamawulire abasaka ag’embeera y’obudde ekya Network of Climate Journalists of the Greater Horn of Africa (NECJOGHA) kyawandiika nti ab’enteebereza y’obudde mu Uganda, Kenya ne Tanzania baali bannyonnyodde nti ekivudde enkuba okulwawo okutonnya gwe muyaga ogwayita mu bitundu bya Mozambique ne gunywa empewo ezandibadde zireeta enkuba nga ziva mu liyanja lya Buyindi.

Bulijjo okuva mu mwezi gwa March okutuuka nga June gutandika bibeera biseera bya nkuba ey’omwero mu mawanga nga Uganda kyokka kumpi omwezi gwa March gwonna gwaweddeko nga teri nkuba etonnye ate ne April mwe yabadde esuubira mu bitundu ebimu yalumaggamagga.

Ate ku Lwokubiri lwa wiiki eno lipoota ey’awamu eyafulumiziddwa omukago gwa Bulaaya wamu n’ebitongole by’Ekibiina ky’Amawanga Amagatte bibiri ebivunaanyizibwa ku by’emmere okuli ekya Food and Agriculture Organization (FAO), ne World Food Programme (WFP) yalaze nti amawanga 53 mu nsi yonna ge goolekedde okugwamu enjala nga ku gano kuliko aga Africa ataano okuli Democratic Republic of the Congo, Ethiopia, Nigeria, South Sudan ne Sudan.

 

 

 

 

More From The Author

Emboozi z’omuwandiisi endala

Emboozi endala

Blick002 220x290

Blick ayagala kuwangula mpaka z'e...

Blick agamba nti ssinga awangula empaka z'e Hoima, kyakutangaaza emikisa gye egy'okusitukira mu ngule y'eggwanga...

Rdcwemukonokuddyofredbamwinengakwasageorgentulumeekirabokyesaawaekyamuweereddwaokumwebazaolwemirimugyewebuse 220x290

Ab'e Mukono baanirizza akulira...

Ekitebe kya disitulikiti y’e Mukono kyanirizza CAO omuggya ssentebe wa LC V n'amulabula obuteesembereza ba ng’ambo...

Img3176webuse1 220x290

Abasajja mwettanire okubakomola...

Ab'ebyobulamu bakubirizza abasajja okukomolebwa bakendeeze ku mikisa gy'okukwatibwa akawuka ka siriimu

Kwata1 220x290

Agambibwa okutomera omwana nadduka...

Omusajja agambibwa okutomera omwana n'amumenya amagulu n'adduka yerize ne poliisi ebadde emuyigga.

Sky2 220x290

URA eggaddewo SkyLight Arcade abasuubuzi...

WAABADDEWO akassattiro mu kibuga abasuubuzi abakolera ku kizimbe kya Sky Light Arcade bwe baasanze ng'amaduuka...