TOP

Owa Vision Group akoze embaga ey’omulembe !

By Ponsiano Nsimbi

Added 16th July 2016

OMUKOZI wa Vision Group, Robert Kyobe akoze embaga ey’ebyafaayo bw’abadde agattibwa ne mukyala we Vick Ntongo.

Kyobe1 703x422

Bakyobe n’empekeze zaabwe n’abasumba baabwe, ku ddyo ye Pr. Micheal Kyazze n’omukyala (mu kiragala) aba Omega Healing Centre e Namasuba.

Bya PONSIANO NSIMBI

OMUKOZI wa Vision Group, Robert Kyobe akoze embaga ey’ebyafaayo bw’abadde agattibwa ne mukyala we Vick Ntongo.

Abagole baagattiddwa Omusumba Jesse Lukayi mu Kkanisa y’Omusumba Micheal Kyazze eya Omega Healing Centre esangibwa e Namasuba.

Lukayi yakaalatidde abagole okukuuma ebiragaano bye bakubye mu lujjudde era n’abeebaza olw’okwevaamu ne bakola omukolo guno ate n’okuyita bantu okubeerawo ng’abajjulizi.

 akyobe nga beeraga amapenzi Bakyobe nga beeraga amapenzi.

 

Omugole omwami yayambadde ssaati ya lineni ne kalabalabaawe eyabadde Omuzungu ssaako ne mutabani waabwe eyabadde omu ku mperekeze era ng’abaana baabwe abasatu be baawerekedde.

Omugole omukyala yayambadde kadaali n’anyuma wabula ye okwawukanako n’omugole omwami n’emperekeze endala zonna, ye yekka eyakyusizza engoye.

Abagole baatambulidde mu Prado TX ng’eno teyabaddeko yadde akamuli akagyawula ku mmotoka endala.

Abagenyi baabwe baabasemberezza ku Lindsay Cottages e Lubowa ng’omukolo guno gwabadde gwa kkaadi era kyabadde kizibu omuntu atayitiddwa okwetaba ku mbaga eno.

 akyobe nga beeraga amapenzi Bakyobe nga beeraga amapenzi.

 

Paasita Micheal Kyazze yakuutidde abagole okukulembeza Katonda mu bye bakola okusobola n’okukuliza abaana baabwe mu ddiini.

Kyokka ono yakyamudde abagenyi ku mbaga bwe yazinye amazina agaanyumidde ennyo abantu ne mukyala we.

More From The Author

Emboozi z’omuwandiisi endala

Emboozi endala

Kept 220x290

Looya wa Kiwanuka ayanukudde mukyala...

EMIVUYO gyeyongedde mu ffamire y’omugagga Mohan Kiwanuka akulira balooya be bw’ategeezezza nti, mukama waabwe tabawanga...

Temu 220x290

Taata asse omwana n’amusuula mu...

ABAAGALANA bakwatiddwa nga bateeberezebwa okwekobaana ne batta omwana ow’emyaka ebiri, omulambo ne bagusuula mu...

Kat1 220x290

Amaanyi ga Buganda gali mu bavubuka...

Amaanyi ga Buganda gali mu bavubuka abakuziddwa mu mpisa

Pp 220x290

Sabiiti amalirizza lipooti Pulezidenti...

MAJ. Gen. Sabiiti Muzeyi akulembedde badayirekita ba poliisi ne basisinkana Pulezidenti okumwanjulira pulaani yaabwe...

Tek1 220x290

Akulira ebibiina by'obwegassi e...

Akulira ebibiina by'obwegassi e Kawempe avumiridde eky'okuggulawo ebibiina nga tebimaze kunoonyerezebwako