TOP
  • Home
  • Gallery
  • Libadde ssanyu na maziga nga Maama Lususu ayanjula omulenzi we

Libadde ssanyu na maziga nga Maama Lususu ayanjula omulenzi we

By Moses Nsubuga

Added 8th October 2018

ESSANYU nga Maama Lususu ayanjula omulenzi we mu maka ga bakadde be ate lyaggweredde mu maziga bwe yatulise n’akaaba nnyina n’amuwoayawoaya ate bombi ne basirittuka ne bagwa wansi!

Mamalususu18 703x422

Bino byabadde mu maka ag’omugenzi Wilson Senoga e Kabunza e Matuga, Irene Nalubwama amanyiddwa nga Maama Lususu gye yayanjulidde musajja we Emmanuel Kayondo ku mukolo ogwabadeko basereebu abenjawulo, n’abeebitiibwa omwabadde Major Juma Seiko, Polof. Kateregga owa Kampala University eyazze ne Nnalongo we  saako n’abayimbi ab’enjawulo obwedda abacamula abeetabye ku mukolo.

Omukolo era gwetabiddwaako ne basuubuzi banne ku kizimbe Galiraaya kw’akolera wamu n’abasuubuzi abalala okwabadde ne Hajji Kamoga eyazze ne mukyala we omugole eyakubizza abantu enduulu ng’atuuse mu kidaala.

Ku ssaawa 9: 49, Mama lususu yafulumye ennyumba ng’awerekeddwaako omuyimbi Full Figure eyasuddemu oluyimba lwe ‘Obanzibidde emimwa’ lwe yawandiikidde Maama Lususu nga luwaana bba era obwedda ayimba ng’eno Maama Lususu bw’alumya abateesi n’okukuba bba otuuso mu ngeri eroola!.

Omukolo gwatambudde bulungi okutuusa Maama Lususu lwe yasaze keeki n’agenda mu kidaala okugabula bataata kyokka olwatuseeyo n’atulikaka n’akaaba okutuusa lwe baamusirisizza n’okumuwooywooya .

Olwamaze okugabula bataata keeki  olwo n’agabula bamaama kyokka nayo yatulikiddeyo n’akaabirayo nnyina n’amuwambaatira okumusirisa kyokka bombi ne bagwa ku ttaka Oluvannyuma yasituse omukolo ne gugenda mu maaso.

Abayimbi; Betina Namukasa, Jovan Luzinda,  Sereba Bata, Mickie Wine baasumuludde ennyimba z’omukwano ezaacamudde abagenyi. 

alt=''
alt=''

 

 

 

 

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam