TOP

Temutya nkyaliwo nnyoooo,,,,,,-Museveni

By Musasi wa Bukedde

Added 17th January 2016

Museveni agumiza abawagizi be mu bitundu by'e Bushenyi

Lub2 703x422

Pulezidenti Museveni mu lukung’aana lwe yakubye ku kyalo Kazinda Ward eky’omu Munisipaali y’e Ishaka mu disitulikiti y’e Bushenyi.

PULEZIDENTI Museveni, mu nkung’aana ze yasembyeyo okukuba mu disitulikiti y’e Rubirizi ne Bushenyi, ab’e Rubiriizi baamusabye abanaazeeko ennaku nga bamuzzizza mu ntebe.

Baamutegeezezza nti amakubo gaabwe tegayitikamu, amalwaliro gali mu mbeera mbi, amasomero tegalina bizimbe na ntebe n’ebizibu ebirala.

Mu lukuhhaana lwa kampeyini lwe yakubye ku kyalo Katerera mu disitulikiti ye Rubirizi ku Lwokutaano, ebizibu bino abatuuze baabiyisizza mu mubaka waabwe mu Palamenti, Twibu Katoto. “Ssebo Pulezidenti, ekitundu kya Rubirizi naddala mu ssaza Katerera, amakubo gasibye ku balimi obwavu kuba tebasobola kutunda birime byabwe ku bbeeyi esanyusa.

N’ebyobulamu bikaabya kubanga mu disitulikiti ya Rubirizi yonna temuli ddwaaliro liri ku ddaala lya Health Centre IV,” Katoto ali azzeemu okuvuganya ku tikiti ya NRM bwe yasomedde Museveni ebizibu by’abatuuze.

Yagasseeko nti amagombolola asatu ku ataano (5) agali mu disitulikiti temuli basawo batendeke ng’abantu abasinga okufuna obujjanjabi obulungi baddukira Bushenyi ne Kyamuhunga. Yasabye Museveni okubayamba ku bisolo naddala envubu n’enjovu eziva mu kkuumiro lya Queen Elizabeth ne zibaliira ebirime.

 useveni ngatikkula abakyala ebirabo bye baamutonedde mu azinda ard e shaka ushenyi Museveni ng’atikkula abakyala ebirabo bye baamutonedde mu Kazinda Ward e Ishaka, Bushenyi.

 

Yagambye nti amakubo nago galinga bisinde bya nte nga basaba agabakolere. “Tugenda kukuzzaako era ggwe ojja okutuusa ekitundu kyaffe ku ntikko kuba tukumanyi ng’oli musajja mukozi ate otulumirwa,” bwe yawunzise. TEMUTYA WENDI - MUSEVENI Museveni naye ali ku tikiti ya NRM ku bavuganya ku Bwapulezidenti, yasuubizza okussa abakozi 19 mu buli ddwaaliro eriri ku ddaala lya Health Centre IV nga basasulwa omusaala omusava.

Yaweze nga bw’agenda okukola ku babba eddagala mu mawaliro ga Gavumenti nti tagenda kukkiriza Bannayuganda kufa mu ngeri ey’ekigayaavu. Ku byenjigiriza, Museveni yagambye nti olunadda mu buyinza agenda kulaba nga buli Konsitityuwense ebaamu ettendekero ly’ebyemikono.

Yasuubizza n’okukola oluguudo oluva e Kyambura lugguke e Nsiika ne Bwizibwera ate olulugatta ku Kamwenge nti lwakukubwa koolansi. Ku bisolo ebiboonoonera ebirime, Museveni yagambye nti waakukwatagana n’abakulira ekkuumiro ly’ebisolo lya Queen Elizabeth bamalewo ekizibu ekyo.

Yabakunze okwongera amaanyi mu kulima emmwaanyi kubanga ya ttunzi okusinga ebirime ebirala mu katale k’ensi yonna. Museveni ng’akyali mu disitulikiti y’e Rubirizi, yakubye olukuhhaana olulala ku ssometo lya Rubirizi era wano baamutonedde ekkanzu.

Oluvannyuma yakubye olukuhhaana olulala mu kisaawe ky’e Kizinda n’e Ishaka mu Bushenyi ng’eno, minisita w’Obutebenkevu, Mary Karoro Okurut n’omusubuzi Haji Hassan Basajjabalaba be bamu ku baamwanirizza. Abantu baayongedde okumutonera ebirabo omwabadde engabo, effumu n’ebirabo

More From The Author

Emboozi z’omuwandiisi endala

Emboozi endala

Whatsappimage20191213at212901copy 220x290

Balaze waaka ku mpaka z'emisono...

Balaze waaka ku mukolo gw'okwolesa emisono ogwategekeddwa Abraynz ku Serena Hotel mu Kampala

Steelandtubebyjmutebi2 220x290

'Abakozi mukomye okwemulugunya'...

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya...

Fanda1 220x290

Eyasuulawo mukyala we emyaka 25...

SSEMAKA eyasuulawo mukyala we ng’afunye omulala akomyewo oluvannyuma lw’emyaka 25 n’amukuba empeta.

Bba 220x290

Kkamera ziraze eyabbye emmotoka...

KKAMERA za poliisi zikutte omusajja omulala ng’abba emmotoka eyabadde esimbiddwa okumpi n’eddwaaliro ly’e Mulago....

Tamalemirundi 220x290

Tamale Mirundi agobye abamulambula...

Mikwano gya Tamale Mirundi betwayogeddeko nabo baategeezezza nti obulwadde Tamale bwamwetamizza abantu era mu bamu...