TOP
  • Home
  • Emboozi
  • ‘Nakweka Ssekabaka Muteesa ennaku 21 be ddu’

‘Nakweka Ssekabaka Muteesa ennaku 21 be ddu’

By Vivien Nakitende

Added 2nd May 2016

Emmotoka eyaleeta Muteesa yaayimirira ku mulyango gw'ennyumba yange emmanju, Kitayimbwa n’avaamu n’antegeeza nti abantu be yali ambuuliddeko okukweka ewange bazze nti wabula si mulala naye Kabaka Muteesa.

Nabakooza1 703x422

Angelina Nabakooza

OKULUMBA olubiri lwa Kabaka mu May wa 1966 kyazza nnyo Buganda mu byenfuna. Wabula gavumenti ya Ssaabasajja ebakanye ne kaweefube w’okutumbula ebyobulimi mu maka nga HERBERT MUSOKE ne VIVIEN NAKITENDE bwe bannyonnyola ANGELINA Nabakooza ye mukyala eyamira ppini ng'enjogera y'ennaku zino bw’eri n’akweka Ssekaba Sir. Edward Muteesa e Lugusuulu ng’ayiggibwa basajja ba Obote mu 1966 okumumiza omusu.

Agamba okukweka Muteesa yaalina essanyu eritagambika era yakiraba ng'omukisa okukweka omuntu ow'ekitiibwa.

Abinyumya bwati: Muteesa we yaleeterwa mu maka gange nzijukira kaali kawungeezi. Eyali Muteesa (ow'essaza ly'e Mawogola) Mw. Kitayimbwa ye yamuleeta ng'antegeezezza nti ayagala kukwekawo muganda we era ssaasooka kutegeera nti aleeta Muteesa kuba nnali mmanyi nti yali attiddwa mu Lubiri.

Bwe nalaba emmotoka nga zikyamye ewange nasooka kutya kuba obudde bwali bwa bwerende ne ndowooza oba nziruke nga mmanyi bazze kututta naye nasalawo ne nguma.

Emmotoka eyaleeta Muteesa yaayimirira ku mulyango gw'ennyumba yange emmanju, Kitayimbwa n’avaamu n’antegeeza nti abantu be yali ambuuliddeko okukweka ewange bazze nti wabula si mulala naye Kabaka Muteesa.

 saabasajja lwe yaggulawo kaweefube wokusimba ebibala mu maka e utambala gye buvuddeko gwe osimbyeyo emiti gyebibala emeka Ssaabasajja lwe yaggulawo kaweefube w’okusimba ebibala mu maka e Butambala gye buvuddeko. Ggwe osimbyeyo emiti gy’ebibala emeka?

 

Nasooka kukaaba olw’essanyu kuba nnali ndowooza nti Omutanda yali attiddwa. Muteesa yava mu mmotoka ne tumuyingiza mu nnyumba munda, ennyumba yange kwaliko akaduuka ng'abantu bajja okugulawo ebintu, twasalawo mutabani wange ave mu nnyumba ye ey'ebisenge ebibiri mwe tuba tusuza Muteesa kubanga mu nnyumba yange abantu baalinga bajjawo nnyo okugula ebintu.

Nnali nfumbye ebbinika ya caayi w’amata ya bikopo 22 ng'ejjudde, nayanguwa ne ntabulira Omutanda caayi ne be yali nabo ne banywa naye yalabika nga mukoowu.

Ennaku 21 Omutanda ze yamala ewange teyanywako ku caayi mukalu, namufumbiranga mata ate nga mulimu ne ssukaali .

Olw'okutya okwaliwo, nalina akabira wansi ku kibanja kyange twakasaawa ne twaliirayo essubi ne tuteekayo emifaliso, eyo gye yasiibanga okwewala abantu okumulaba, ng'awaka akomawo buwungedde kwebaka.

MUTEESA AMPA ERINNYA LYA NNAALONGO

Wadde sizaalanga ku balongo naye Muteesa yampa ekitiibwa kya Nnaalongo olw'okumulabirira obulungi .

Olumu yaηηamba nti nfuuse Nnaalongo wa Buganda era ndyenyumirizaamu nnyo era bwe yali addusibwa mu Uganda yantegeeza nti, "Maama nsaasira, bwe ndiba nkomyewo nga nkyali mulamu nga naawe w’oli ndikomawo wano ne nsimba omuti Omuvule!"

Naye kyannaku kawenkene Obote yamulumba e Bungereza gye yali ate n’amuttirayo ng'omuvule takomyewo kugusimba!

BANSIBA

Nga Muteesa bamaze okumutolosa okugenda e Bungereza waliwo abaatuloopa nti twamukweka.

Nnali waka abaserikale ne bajja ne bankwata ne bantulugunya nnyo, ne bantwala e Kampala eyo gye ssaategeera nga banvunaana okukweka Muteesa naye nabyegaana era bansibayo ebbanga ttono ne banta.

Baze omugenzi Simon Muliisamaanyi yali wa muluka gw’e Ssaabawaabi kale Muteesa buli bwe yajjanga eno okuyigga ng'abeera ne baze nga bayigga bonna era ng'ensolo ze battanga nga nze mbafumbira.

Baali ba mukwano ne baze, kale twali twalabaganako dda naye baze yafa mu 1957. Neebaza nnyo Ssaabasajja Ronald Muwenda Mutebi II obutanneerabira, yanzijukira olw'okukweka kitaawe n’anzimbira ennyumba ey'omulembe mu 2009 mwe nsula kati.

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana