TOP
  • Home
  • Tunuulira
  • ‘Mmaze emyaka 49 nga sisalako nviiri, nkungubagira Lubiri’

‘Mmaze emyaka 49 nga sisalako nviiri, nkungubagira Lubiri’

By Musasi wa Bukedde

Added 11th May 2016

Okumanya twekalakaasa n’abasajja okusala ebirevu baakuvaako ne bitandika okubasaakaatira nga kw’otadde n’obutasalako nviiri.

Safiya1 703x422

Nakitto yasazeeko enviiri ze ezibadde zifuuse ekitalo.

Safiya Nakitto Kiweweesi, omutuuze w’e Katooke mu Nabweru yazaalibwa ku mulembe gwa Ssekabaka Chwa.

Ebyaliwo ku kulumba Olubiri n’ebyaddako abinyumya bwati: Obote bwe yali tannalumba Lubiri, lwalina amateeka gaalwo ng’omukazi abeera mu Lubiri bw’atuuka okugenda mu nsonga yawalirizibwanga okusooka okulufuluma n’adda wabweru.

Obote we yalumbira Olubiri nali nnaakamala okusiba enviiri zange ebituttwa era olwafuna amawulire ag’ennaku nga Kabaka Muteesa II bw’awahhanguse, okuva olwo saddamu kusalako nviiri zange.

Wadde nali muwala mu kiseera ekyo kyokka ntuuse kukaddiwa nga nnina enviiri zange nninda Muteesa akomewo ndyoke nzisaleko.

Ekyennaku enviiri zange sisobodde kuweza nazo myaka 50 nga Buganda ejjukira olunaku luno olw’ebyafaayo olw’abantu abaazinsalako obulwadde bwe bwannumba omwaka oguwedde!

 

 akitto ngakyalina enviiri ze Nakitto ng'akyalina enviiri ze

 

Okumanya twekalakaasa n’abasajja okusala ebirevu baakuvaako ne bitandika okubasaakaatira nga kw’otadde n’obutasalako nviiri.

Ekyakkakkanya abamu ky’ekikolwa kya Amin eky’okuzza enjole ya Muteesa. Abamu ku Baganda abafaanana nga nze tetwakkiriza nti ddala y’enjole ye.

Obote yatwononera ensi yaffe, tunuulira abakazi ensangi zino bwe bambala ogeraageranya n’omulembe gwaffe we twayambaliranga ne tuggumira, ensi eyonooneka etya ng’abakulembeze balaba?

Abakazi abakulu n’abawala abavubuka tokyayawula kuba bonna bambala , obuwale obw’omunda bonna babuyisa wabweru, ebisambi n’amabeere tebakyabiwa kitiibwa!

Busuuti yaffe nayo ndaba batandise okugitungamu omusono ogutategeerekeka ogw’ekiteeteeyi kuba gomesi entuufu erina okubeerako omudalizo era ng’omukazi okugyambala alina okusooka okwambala engoye ez’omunda okuli akawale ak’omunda, akaleega amabeere, ppeti oba ekipumpuliya n’ekikooyi n’alyoka yeesiba n’ekitambaala n’aggumira.

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo