TOP
  • Home
  • Emboozi
  • Mmotoka muka Mugabe z’abadde akukusa zigudde ku kabenje

Mmotoka muka Mugabe z’abadde akukusa zigudde ku kabenje

By Musasi wa Bukedde

Added 24th January 2018

MMOTOKA za Muka Mugabe ez’ebbeeyi ezibadde zivugibwa ku sipiidi ey’akafuufu mu matumbi budde nga zisomosebwa mu bubba okutwalibwa mu South Afrika zikoze akabenje , misoni n’egwa butaka.

Chatunga1 703x422

Grace Mugabe ne batabani be be yabadde atwalira mmotoka ez’ebbeeyi bacakaliremu.

HARARE, ZIMBABWE

MMOTOKA za Muka Mugabe ez’ebbeeyi ezibadde zivugibwa ku sipiidi ey’akafuufu mu matumbi budde nga zisomosebwa mu bubba okutwalibwa mu South Afrika zikoze akabenje , misoni n’egwa butaka.

Muka Mugabe, Grace Ntombizodwa Mugabe yabadde akoze Pulaani okusomosa mmotoka ssatu ez’ebbeeyi ze yagula ku ssente enzibe mu gavumenti ya Zimbabwe mu biseera nga bba Mugabe anaatera okuggyibwa mu buyinza.

Emikutu gy’amawulire egy’enjawulo mu Zimbabwe gyafulumiddemu amawulire nga galaga engeri emmotoka ez’ebbeeyi ssatu: Rolls Royce , Range Rover ne Porsche gye zaasomoseddwa ne zifulumizibwa Zimbabwe ku Lwokutaano mu matumbi budde ne ziyingira Botswana okwolekera South Afrika.

Kyokka z’abadde ziyingidde Botswana nga zibuzaayo 80km okutuuka mu kibuga Gaborone, ne zikola akabenje ku luguudo A1 Road mu kitundu ky’e Muchudi.

baafunye akabenje nga basobeddwaAbaafunye akabenje nga basobeddwa.

 

Akabenje kaavudde mu mmotoka ey’ekika kya Toyota Corolla okutomera emu ku mmotoka ezo n’endala ne zikoonagana.

Poliisi y’e Botswana ey’oku nguudo teyasoose kumanya bikwata ku mmotoka ezo okutuusa lwe baazudde omusajja Rusell Goreraza mw’emu ku mmotoka ezo era baagenze okumubuuza ebimukwatako nga mutabani we Grace Mugabe gwe yasooka okuzaala mu musajja Mugabe gwe yamubbako.

Eggulo poliisi y’e Botswana yakutte mmotoka zino n’eziwa gavumenti ya Zimbabwe era Muka Mugabe kati anoonyerezebwako olw’okugezaako okufulumya mmotoka ezo nga tayise mu mitendera emituufu.

 motoka za muka ugabe ze baabadde batolosa okutwala mu outh frica ne zifuna akabenje Mmotoka za muka Mugabe ze baabadde batolosa okutwala mu South Africa ne zifuna akabenje.

 

Kigambibwa nti mmotoka ezo, Gorereza yabadde azitwalira batabani ba Mugabe ababiri: Robert Peter Mugabe Jr. ne Chatunga Bellarmine Mugabe ababeera mu South Afrika.

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja