TOP

Emyaka ena nga tutegeka mbaga kyokka awasizza amu mulala

By Musasi Wa

Added 10th June 2012

MUK’OMUGAGGA w’e Kajjansi, Collin Kironde attottodde engeri gye bamaze emyaka musanvu ne bba ng’ena ku gyo bagimaze bategeka mbaga yaabwe kyokka omusajja n’amuleka mu nju empeta n’agikuba omulala. Gloria Kasirye agamba:

2012 6largeimg210 jun 2012 105349960 703x422

Bya Meddie Musisi

MUK’OMUGAGGA w’e Kajjansi, Collin Kironde attottodde engeri gye bamaze emyaka musanvu ne bba ng’ena ku gyo bagimaze bategeka mbaga yaabwe kyokka omusajja n’amuleka mu nju empeta n’agikuba omulala. Gloria Kasirye agamba: 

Tukoze ne Kironde obugagga bwonna bw’aleeseemu omukazi omulala nga mu bintu bye tukoledde awamu emyaka omusanvu mwe muli n’ekifo ekisanyukirwamu ekya Fly Zone e Kajjansi. 

Twaddaabiriza amaka gaffe e Kajjansi kyokka mbadde ndi awo ne mpulira nti yawasizza omukazi omulala era ateekateeka kumuleeta mu maka.  

Tubadde mu bwavu nga tubonaabona ne tukola okutuusa lwe tutuuse okulya ku lyengende ng’ekifo kyaffe ekya Fly Zone kikola.

Mu bbanga lya mwaka gumu oguyise, omwami oyo yatandiikiriza mpola okukyuka n’ekyavaamu kung’amba nga bwe yali takyayagala kundabako mu Fly Zone kuba yali ayagala kukipangisa.

Bwe nalaba ng’okukola kwange mu kifo kino kutandise okututabula, kwe kusalawo ntuule awaka kyokka kyambuuseeko bwe nafunye amawulire nti baze ali Mbarara bamwanjula.  

Tutegeka embaga

Nga tupakasa, twakkiriziganya n’omwami  tutegeke okwanjula n’embaga yaffe mu 2008, kyokka ne twongerayo nti tubikole omwaka oguddakao nga tetwetegese bulungi. Okuva olwo tubadde tukyatetenkanya wabula ekyanzigye enviiri ku mutwe kwe kuwulira nti ayanjuddwa n’akola n’embaga omugole n’amukuba empeta nga nze andese awo. 

Ebiseera we yakoledde embaga yamaze wiiki nnamba nga talinnyeeko waka ndowooza ng’ali ku hanemuuni era olwaweddeko yakomyewo awaka wabula nga yeebwalabwala. 

Okumanya abasajja bazibu, omwami oyo olwayingidde n’ajja wendi mbu anneetondera ng’afukamidde wansi yeekaabya nti sitaani yamukemye era n’embaga bagimukase bukasi. Nasoose ne nsiriikirira kwe kusalawo okumusonyiwa.

Yatandiikirizza mpola okusala ebiyungu n’ekyavuddemu eno kufuulawo kkubo anti ayitawo buyisi kulaba ku baana ate ng’azze ngalo nsa. 

SISOBOLA KUVA MU MAKA GE NKOLEREDDE

Embeera yeeyongedde okwonooneka kwe kusalawo ng’ende ku poliisi e Katwe ne muggulako ogw’obutawa baana buyambi.

Ebyo byonna nabadde nsazeewo okubigumira, naye wiiki ewedde kyampitiriddeko bwe nazze awaka ne nsangawo abaserikale abantegeezezza nti omwami yabadde ansengudde mu maka ago ng’anfunidde e Mutundwe gye nnina okubeera.

Bwe namukubidde essimu yantegeezezza nti ennyumba eyo yabadde agitunze kyokka bwe nagenze okunoonyereza, nakizudde nti ali ku kakodyo kaakusitula mugole we amuggye gye baapangisa e Naalya amuleete mu maka gange ge nkoleredde.

Yapakidde ebintu byange byonna n’abitwala mu kazigo e Mutundwe kyokka nange nga nnyambibwako poliisi ya CPS, nabiggyeeyo ne mbizza mu maka gange kubanga nkimannyi bulungi nti wadde siri mukazi wa mpeta, naye nnina abaana era be balina okubeera bannannyini nnyumba eyo kuba sirina we ng’enda kubakuliza.

Mu kiseera kino omwami oyo mmuwulira nga yeewera nti essaawa yonna akomawo n’amaanyi mangi asobole okunzigyawo, naye bambi alimba kuba eno enju ya baana bange era ndi mwetegefu okugifiiramu. 

Nze simulinaako mutawaana n’omugole we naye afune w’amuteeka si wange we nkoleredde.

 

 

Emyaka ena nga tutegeka mbaga kyokka awasizza amu mulala

More From The Author

Emboozi z’omuwandiisi endala

Emboozi endala

Condomismaelssempumatestimonywebuse 220x290

Enkozesa ya kondomu eneekutangira...

Okwesunga akaboozi ekisusse kiremesezza bangi okukozesa kondomu

Kab2 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze engeri butto w'obusigo bw'amapaapaali gy'akola ku maaso n'embuto ez'esiba...

Kig1 220x290

Akatabo ka Ham kawangudde engule...

Akatabo ka Ham kawangudde engule ey'okubiri

Kabaleeweb 220x290

Kabale Sharp bagikubye ne yeekwasa...

Kabale Sharp eya Big League, ewangudde Water FC, n'esannyalaza emikisa gyayo okwesogga liigi ya babinywera

Hajjathanifakawooya 220x290

Kkooti y'e Sembabule terina kaabuyonjo...

OMUBAKA omukazi owa disitulikiti y’e Sembabule, Hanifa Kawooya, asabye gavumenti okuzimba ekizimbe kya kkooti y’e...