TOP

Abazigu balumbye amaka ga AK47

By Musasi Wa

Added 22nd March 2015

ABANTU abatannategeerekeka bamenye amaka g’omuyimbi AK47 ne baggyamu kompyuta ye eriko ebintu bye eby’omugaso

2015 3largeimg222 mar 2015 101105603 703x422

Bya ERIA LUYIMBAZI  NE VALLY MUGWANYA

ABANTU abatannategeerekeka bamenye amaka g’omuyimbi AK47 ne baggyamu kompyuta ye eriko ebintu bye eby’omugaso. Abaawaka baabadde bagenze kukungubaga mu lumbe e Lweza mu maka ga kitaawe wa AK47, ne bamenya ennyumba y’omugenzi ne batwala kompyuta eriko ebintu bye eby’omugaso ng’abagitutte tebamanyiddwa. Amaka ga AK47 ge bamenye gasan¬gibwa ku luguudo lw’e Salaama mu ggombolola y’e Makindye.

N’okutuusa eggulo enfa ya Em¬manuel Mayanja (AK 47) yabadde ekyatankanibwa ng’abasinga bagamba nti yattiddwa okuva bwe yasangiddwa n’ekiwundu ekinene ate n’ekinaabiro mwe yagudde nga kifunda n’engeri gye yaguddemu nga si kyangu omuntu abadde omu¬lamu obulungi okumala gagwawo nga teyeerwanyeko.

Poliisi eyise muganda w’omugenzi, Pallaso (Pius Mayanja), nnannyini bbaala ya Dejavu Jeff Kiwanuka, DJ Bibie, Diamond Oscar ne Allan Kiiwa poliisi ebaggyeko sitetimenti. Omwogezi wa poliisi mu Kam¬pala n’emiriraano, Patrick Onyango agamba nti abantu bano be baali batudde ne AK47 ku lunaku lwe yafa nga poliisi eyagala bannyonnyole ebyaliwo, kibayambe mu kubuuli¬riza.

Omusajja ayitibwa Thoman Mwima eyeeyanjudde ku poliisi nga yeeyise kanyama, abamumannyi bagamba nti si ye kanyama ayogerwako era poliisi enoonyereza oku¬zuula ekituufu nga bw’abeera nga si ye ye, bajja kuzuula ekigendererwa ky’okulimba kubanga kizibu omuntu okwewaayo ku poliisi nga talina ky’azibikira

 

Abazigu balumbye amaka ga AK47

More From The Author

Emboozi z’omuwandiisi endala

Emboozi endala

Nant 220x290

Oluyimba ‘Tukigale’ lutabudde Carol...

Omuyimbi Carol Nantongo atabukidde Rachael Namiiro okuyimba oluyimba lwe olwa 'Tukigale' nga tamuwadde lukusa....

Dha 220x290

Embeera y’omubaka Dhamuzungu yeetaga...

Omubaka Dhamuzungu asimattuse okufiira mu kabenje k’e mmotoka, embeera ye yeetaga kusabira.

Aidslogo 220x290

Najeemera ebiragiro by’abasawo...

Asiah Tusingwire mulwadde wamukenenya. Yejjusa lwaki teyagoberera basawo kye baamugamba eky’okumira eddagala okusobola...

Muddo1 220x290

Okulunda kugatteko okulima omuddo...

Asiimwe ye nnannyini ffaamu ya Itungo Farm esan­gibwa ku kyalo Kyoga mu Wakiso ng’etudde ku yiika ssatu n’ekitundu...

Lusuku1 220x290

Endabirira y’olusuku mu biseera...

OLUVANNYUMA lw’okukozesebwa ebbanga eriwerako nga sirina kye nganyuddwaamu nabivaako ne mpangisa ekibanja ne nnima...