TOP
  • Home
  • Gallery
  • Kabaka agabudde abantu be ababeera ebweru

Kabaka agabudde abantu be ababeera ebweru,

by Dickson Kulumba

Added 29th December 2018

KABAKA Mutebi II alagidde abavubuka okwagala eggwanga lyabwe n’ensi yaabwe. Era abajjukizza nti buvunaanyizibwa bwabwe okulumirwa awamu ne bannaabwe abatulugunyizibwa kyokka n’abalagira okwewala okwetaba mu bikolwa ebisiga obukyayi n’okusosola mu bantu.

Bino yabyogeredde ku mukolo ‘Buganda Kwe Kwaffe 2018’ kwe yasisinkanidde abantu be ababeera ebweru wa Uganda ogwabadde mu Lubiri e Mmengo ku Lwokutaano.

“Twagala abavubuka ba Buganda bakule nga bakimanyi nti mulimu gwabwe okwagala eggwanga lyabwe n’ensi yaabwe. Mulimu gwabwe okulumirirwa bannaabwe, obutasiga nsigo ez’obukyayi mu bantu n’okwekengera omuntu yenna alinnyirira eddembe ly’obuntu,” Kabaka bwe yagambye.

Ku mukolo guno Kabaka yakwasiddwa ambyulensi ey’omulembe okuva mu bantu be ababeera mu Amerika nga yaakuyamba abantu naddala mu byalo.

Kabaka eyabadde ne Nnabagereka Sylvia Nagginda yasiimye enteekateeka z’abantu be bano ez’okusomesa abaana baabwe olulimi Oluganda, empisa n’ennono za Buganda.

Yakubirizza abantu okuwandiika ebitabo mu Luganda olulimi lweyongere okukula.

Ye Katikkiro Charles Peter Mayiga yasabye abantu bano okusaka amagezi amalungi eyo mu mawanga gye babeera.

Mayiga yategeezezza nti gavumenti ya Kabaka egenda kutandika okuwa obubonero enkola y’emirimu mu masaza ge ag’ebweru gano 16 okulaba abasinze okukumaakuma abantu ba Kabaka n’okussa mu nkola enteekateeka z’Obwakabaka.

Minisita w’amawulire e Mmengo, Noah Kiyimba eyabadde ssentebe w’olukiiko olutegesi yategeezezza Kabaka nti ebibala bitandise okweyoleka mu nsisinkano bwe ziti kubanga abaana abato batandise okwogerera ddala Oluganda.

Abaana Denise Nanyanzi (Sweden) ne Connie Namujju (Toronto Canada) baatontomye ekitontome ekikwata ku Jubireewo y’emyaka 25 egya Kabaka Mutebi II ng’alamula Obuganda.

Ate ye omwana Nicole Birabwa yasomye alipoota ey’ebyo ebyava mu nsisinkano y’abavubuka ababeera wano mu Buganda n’abo ababeera ebweru eyali ku Buganda Royal Institute nga December 27, 2018.

More From The Author

Emboozi z’omuwandiisi endala

Emboozi endala

Oo112 220x290

Gav't eyisizza ekiteeso ky'okukuza...

OLUKIIKO lwa baminisita luyisizza ekiteeso ky’okukuza ebibuga mwenda mu ggwanga okuva ku ddaala lya munisipaali...

Vanilla1 220x290

Gav't etadde amateeka amakakali...

GAVUMENTI ereese amateeka amapya ku kulima n’okutunda Vanilla agagenda okuyamba okukuuma omutindo gw’ekirime kino...

1280pxparliamentofuganda 220x290

Palamenti etadde gav't ku nninga...

AKAKIIKO ka palamenti akalondoola ebisuubizo bya gavumenti katadde gavumenti ku nninga olw’okulemererwa okutuukiriza...

Capture 220x290

Omukazi alina ettutumu ng’oli wa...

Nneetaaga mukyala ow’obuvunaanyizibwa, alina ettutumu, ow’ebbeeyi omusawo, omubaka wa palamenti, looya n'abalala....

Unity 220x290

Njagala eyeetegese okuwasa

Nneetaaga omwami okuva ku myaka 40 n’okweyongerayo, atya Katonda, alina empisa nga mwetegefu okukola obufumbo n'okwekebeza...