TOP
  • Home
  • Gallery
  • Bp. Ssebaggala ne Kakooza be bakulembeddemu ekkubo ly’omusaalaba e Mukono

Bp. Ssebaggala ne Kakooza be bakulembeddemu ekkubo ly’omusaalaba e Mukono,

by Henry Nsubuga

Added 19th April 2019

Abakulembeze b’eddiini okuli atwala klezia mu ssaza ly’e Lugazi Bp. Christopher Kakooza ne munne etwala obulabirizi bw’e Mukono, Bp. James William Ssebaggala be bakulembeddemu nnamungi w’abakkiriza abeetabye mu kutambuza ekkubo ly’omusaalaba ku Lwokutaano olutukuvu ku makya.

Bano batandikidde Wantoni mu kibuga Mukono nga Bp. Kakooza ne Ssebaggala be baatandise n’okusitula omusaalaba ne baguggya oluguudo lw’e Katosi we lutandikira okuva ku luva e Kampala okugenda e Jinja ne bagutwala okutuuka ku kkanisa ya St. Dunstan.

Msgr. Richard Kayondo nga ye mubeezi wa Bp. Kakooza agambye nti ekkubo ly’omusaalaba lino lyatambuziddwa ku mulamwa ogugamba nti, obukulu bw’amaka n’engunjula y’abaana.

Kayondo asabye abazadde okugunjula obulungi abaana n’amaka okubeera obulungu. “Omwana okukula obulungi alina okubeera n’amaka mw’ava. Engunjula ennungi ey’abaana erina kutandikira mu maka gaffe amalungi. Amaka amalungi g’ego agawa eky’okulabirako ekirungi mu bulamu ne mu mpisa. Abaana ab’empisa ennungi baba baziyigidde ku bazadde baabwe. Mu mpisa ennungi mwe muli okwagala Katonda n’okwagala bantu bannaffe nga tubaagaliza ebirungi, okuyamba abali mu bwetaavu, okuba abagumiikiriza nga twewa ekitiibwa ate nga tukiwa ne bannaffe,” Kayondo bw'agambye.

Ono era abasabye okwewala okuyomba n’okuvumagana n’okumatira n’ebyo bye balina, okuyiga okukola n’okwebezaawo ssaako okubeera ab’empisa.

Ekkubo ly’omusaalaba lino lyetabiddwamu eyaliko omubaka wa palamenti owa Mukono South, Rev. Peter Bakaluba Mukasa, meeya wa munisipaali y’e Mukono George Fred Kagimu n’abalala bangi.

More From The Author

Emboozi z’omuwandiisi endala

Emboozi endala

Starleaguenov162019kccabtvipers10kizzaandwilla2 220x290

KCCA FC ekubye Vipers awaluma

KCCA FC emezze Vipers SC egikyalidde e Lugogo ku kisaawe kya Star Times ku ggoolo 1-0 ng’eteebeddwa Mike Mutyaba...

Buza 220x290

Omusajja omukodo abuza omuliro...

TEWALI kintamizza basajja nga bukodo. Balinga abatamanyi nti omukyala yenna aweebwa kubanga kibi nnyo okukama ente...

Wuga 220x290

Omulwadde wa siriimu asobola okuzaala?...

NDI mukyala ayagala waakiri okuzaalayo omwana omu kubanga nnina siriimu. Naye ssenga, kandida annuma naye neebuuza...

Jino 220x290

Ow’emyaka 90 alumirizza ekkanisa...

NNAMUKADDE ow’emyaka 90 alumirizza ab’ekkanisa ya Uganda okumutundira mu ttaka ly’abaddeko emyaka egisoba mu 60....

Linda 220x290

Stecia awadde Julie obukwakkulizo...

ABAYIMBI n’abasuubuzi bongedde ebbugumu mu nteekateeka y’emikolo gy’okwanjula kwa Julie Ssemugga egisuubirwa okubeerawo...