TOP
  • Home
  • Gallery
  • John Blaq owa 'Aya bbaasi..' amenye likodi ku Freedom City

John Blaq owa 'Aya bbaasi..' amenye likodi ku Freedom City,

by Mary Nambwayo

Added 30th November 2019

JOHN Blaq akikubye ku Freedom City n'aleka ng'abawagizi be beenuguuna n'okusaba anko.

Abadigize abazze mu kivvulu kya John Blaq bamulaze omukwano mu konsati ye eya 'Aya bbaasi' esoose bukya ayingira nsiike ya kuyimba.

Ono nga tannalinnya ku siteegi, yasoose kubuuza ku bawagizi be. Yajjidde mu mmotoka eyamuyisizza mu bawagizi oluvannyuma n'agibuukamu okulinnya ku siteegi kyokka abawagizi be ne bamusika nga baagala kumukwata bw'atyo n'agenda ng'ababongako kyokka ba kanyama baalabye abantu bongera kumuyiikira ne bamuggyawo n'alinnya ku siteegi olwo enguliko n'etandika.

Yasoose kubakuba 'Do dodododo dat njagala butter ng'aliko n'omugaati' olwo enduulu n'evuga n'abaabadde bakyesisiggirizza mu butebe ne basituka ne batandika okuzina ng'eno bwe baleekaana n'okusuuta omuntu waabwe.

Blaq yayimbye ennyimba ze zonna okuli Obubaddi, Sweet Love era ne yeenyiga ne Vinka n'amusitula n'okumusitula olwo n'azzaako Kamotoka luno yaluyimbye ne Iryn Namubiru, Maama Bulamu, Tukonekitinge wamu n'endala nnyingi.

Bakira ayimba bwe yeebaza abantu okumuwagira.

Yawerekeddwako abayimbi okuli, Eddy Kenzo, Opa Fambo, Suspekt Leizor, Karole Kasita, Recho Rey, Nu York Da Styla, Erik Disk, Pallaso, VIP Jemo, Fresh Kid, Jowy Landa wamu n'abalala bangi.

More From The Author

Emboozi z’omuwandiisi endala

Emboozi endala

Whatsappimage20191206at004506 220x290

Omunigeria Wizkid afuukudde abadigize...

Abantu beeyiye ku Airstrip e Kololo mu kivvulu ky'Omunigeria Wizkid, mu kivvulu ekyatuumiddwa #DirtyDecember Ba...

Nicho 220x290

Amagye gasazeeko ffaamu ya taata...

AMAGYE ne poliisi basazeeko ffaamu ya taata wa Bobi Wine omugenzi Wellington Jackson Ssentamu e Gomba.

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.