TOP
  • Home
  • Emboozi
  • Ani yasanjaga Omutaka w’e Jjokolera ebiso n’amuleka ku mugo gw’entaana ng’ataawa?

Ani yasanjaga Omutaka w’e Jjokolera ebiso n’amuleka ku mugo gw’entaana ng’ataawa?

By Musasi Wa

Added 6th October 2011

Ani yasanjaga Omutaka w’e Jjokolera ebiso n’amuleka ku mugo gw’entaana ng’ataawa? James Kibombo yaakasimattuka okuttibwa emirundi esatu. Ogusembyeyo mu July w’omwaka guno, omutemu yamutemyetemye era ku kitanda e Mulago yasimbyeyo kitooke.

 Ani yasanjaga Omutaka w’e Jjokolera ebiso n’amuleka  ku mugo gw’entaana ng’ataawa?

James Kibombo yaakasimattuka okuttibwa emirundi esatu. Ogusembyeyo mu July w’omwaka guno, omutemu yamutemyetemye era ku kitanda e Mulago yasimbyeyo kitooke.

Kalondoozi wa Bukedde alaze enkaayana z’ettaka Kibombo z’alimu ne ssentebe w’ekyalo wamu n’omuserikale wa RRU, Kibombo z’agamba nti abamutemula ze bamulanga bamutwaleko yiika ze ebbiri kitaawe ze yamulekera mu 1989.
 
JAMES Kibombo omutuuze w’e Jjokolera mu Wakiso, aliira ku nsiko! Abatemu baakamwegezaamu emirundi ebiri okumutta ng’entabwe eva ku yiika z’ettaka ebbiri kitaawe Ssaalongo Stanley Kigere lye yamulekera.
 
Kibombo agugulana ne Ssentebe w’ekyalo kino Steven Ssekitooleko  n’omuserikale wa RRU, Vincent Musoke agamba nti ettaka lino lirye kuba yaligula ku Ssekitooleko.  
 
Enkaayana we ziva
 Kibombo okumutuukako kaba katuubagiro ng’azina n’ow’enkutu! Mu maka ge e Nakyesasa- Jjokolera yaddukayo dda, emyezi esatu egiyise.
 
Agamba nti baakamwegezaamu emirundi esatu, ogwasembyeyo yasimbyeyo kitooke.
Abeng’anda ze tebagaba ssimu ye, bw’obeesibako ennyo bakulagirire gye yeekukumye buli omu akuuliita bibye! Oluvannyuma Kibombo nnamuguddeko mu Kampala, ate nno ng’anneetooloozezza gy’obeera yasoma bwambega!
Emboozi ye aginyumya bwati:
 
Kitange Stanley Kigere yagula ku mukulu munne Damiano Mugerwa ettaka lya yiika bbiri mu 1974. Nga bw’omanyi eby’edda ate ng’abantu b’emanyi tebaakola ndagaano, kyokka waliwo foomu ekkiriza okukuba ettaka likutulwemu, eno Mugerwa yagiteekako omukono nga July 12, 1974 era ettaka lyakubwa ne likutulwamu. 
Wadde ng’ettaka lyali likutuddwaamu, naye Mugerwa teyawa taata kyapa. Waaliwo okugugulana okwatuuka ne mu RC, kyokka ebyembi Mugerwa ne taata bombi ne bafa mu 1989.
 
Olw’okuba emisango gyali gigenda mu maaso n’okuwozebwa, famire yaffe yasigala ng’ewoza n’eya Mugerwa, okutuusa LC II eyali ekulirwa Mw. Kaye lwe yasala omusango nga tubawangudde.
 
Kino Ssekitooleko teyakikkiriza era yagenda mu maaso n’okwagala okwezza ettaka. Yagenda n’ajingirira ekyapa okuva mu mannya ga kitaawe Mugerwa n’akizza mu gage ne kaviti eyali ku ttaka n’agisazaamu.
 
Atandika okutunda 
 Ku Jjokolera tulinako yiika ezisoba mu 90, kyokka zino ebbiri ze ziriko enkaayana era ze zinzisa. Ssekitooleko bwe yalaba eby’okutunda mbimulemesezza n’afunayo omuserikale wa RRU Vincent Musoke eyajjanga ku kyalo entakera ng’akaalakaala n’emmundu.
 
Ono baatandika okukolagana naye, ng’agamba nti yamuguza ettaka lino, era n’atandika n’okuzimbamu akayumba oluvannyuma kibuyaga ke yasuula. Omuserikale ono amaze ebbanga ng’atuliisa akakanja. 
 
Yasooka kutema lusuku lwa yiika emu olwali lusimbiddwa ku ttaka kuno, n’azzaako okusiba ekikomera n’okwonoona entuumu z’amayinja gange. 
 
Tulina omusango mu kkooti, wabula buli kiseera Kibombo asaba gwongerweyo mbu akyategeka mpapula zikwata ku ttaka lino, naye ng’ekituufu tazirina kuba ettaka si lirye.
 

Ani yasanjaga Omutaka w’e Jjokolera ebiso n’amuleka ku mugo gw’entaana ng’ataawa?

More From The Author

Emboozi z’omuwandiisi endala

Emboozi endala

Bow 220x290

Owebyokwerinda atulugunya abantu...

Abaakakiiko ka LC bagobye owebyokwerinda lwa kwenyigira mu bikolwa ebimenya amateeka. Bakkiriziganyizza ne basaba...

Go 220x290

Obukadde 60 zifudde ttogge: Ekyuma...

GIWEZE emyaka musanvu nga Museveni awadde abavubuka b’omu disitulikiti y’e Kamuli ekyuma ekyaluza enkoko beekulaakulanye....

Emery1 220x290

Emery atadde abazannyi 7 ku katale...

Emery, ayagala kuggumiza ttiimu ye sizoni ejja era agamba nti abamu ku bazannyi b’alina, tebajja kumukolera k'abatunde...

Kib1 220x290

Abakungubazi bakubaganye empawa...

Abakungubazi bakubaganye empawa ku nfa y'omugagga Kiriggwajjo!

Nanyinittakamarynagaddyabamuwujjaazirisewebuse 220x290

Abatuuze mu maka 1000 e Mukono...

Amaka agasoba mu 1,000 e Mukono paasika teyabawoomedde oluvannyuma lw’okulabulwa okusengulwa nga tebabaliyiridde...