TOP
  • Home
  • Kasalabecca
  • Aba 'Rich gang' baabadde ku kasiki, mujje leero mulabe embaga ya TMT: Gitawo

Aba 'Rich gang' baabadde ku kasiki, mujje leero mulabe embaga ya TMT: Gitawo

By Musasi wa Bukedde

Added 30th December 2015

“Bwe liba swaga oba kulya bulamu nkukakasa TMT y’esinga"

Gitawo1 703x422

Meddie Ssentongo ne Cameroon Gitawo nga bajooga

“Kiggwa leero” kye kigambo ekiri ku mimwa gy’abadigize mu Kampala nga beesunga akabaga ka ‘Money & Gold’ akategekeddwa aba  ‘The Money Team Africa’  (TMT) ekimu ku bibiina by’abavubuka ebivuganya mu kulya obulamu n’okulaga ssente mu ggwanga.

Ekiro kya leero kigenda kutokota nga ssi kisaanikire mu Club Guvnor abayimbi abakulembeddwamu; Bebe Cool ne Jose Chameleone, Sheebah ne Ntale nga bakuba Bannakampala emiziki ku mukolo ogutegekeddwa aba TMT abakulembeddwamu; Cameroon Gitawu, Meddie Ssentongo, Fred Ssekya…. n’abalala mu Club Guvnor.

 ba  nga bajooga Aba TMT nga bajooga

Bukya Bannayuganda abakolera ebweru w’eggwanga bayingirawo mu Uganda okuwummulako n’okulya ennaku enkulu wabaddewo embiranye wakati w’ebibiina by’abavubuka ab’enjawulo nga buli kimu kigamba nti kye kisinga ssente n’okulya obulamu embeera ereseewo n’okuwakana mu badigize n’abawagizi baabwe nga buli omu agamba ekibiina ky’awagira kye kisinga.

Wiiki ewedde aba TMT baaganye okwetaba ku kabaga ka Rich Gang bwe bavuganya akaabadde ku Liquid Silk nga bagamba nti baabadde tebasobola kubeera ku mukolo gugenda kubaswaza kubanga baabadde bakitegeddeko nti Ssemwanga ne banne mu kibiina kino bye baasuubiza abadigize omuli okubawa ssente n’ebirala baali tebagenda kubituukiriza.

 itawo ngali ne naalongo udith eard Gitawo ng'ali ne Nnaalongo Judith Heard

Omukolo gw'aba Rich Gang, Cameroon Gitawu aguyise kasiki, n'agamba nti embaga ya leero (Olwokusatu)era  abadigize tebateekeddwa kusubwa mukolo guno kubanga bagenda kulaga kye bayita ssente n’okulya obulamu ssaako okugaba ebirabo bafulule aba Rich Gang.

“Bwe liba swaga oba kulya bulamu nkukakasa TMT y’esinga. Nze ebigambo ebyange biteera kuba bitono nkolera ku bikolwa era oyo yenna ayagala okukakasa nti TMT y’esinga, kiggwa leero mu Club Guvnor kulya bulamu ng'abantu basanyuka ne basereebu baabwe, abayimbi Bebe Cool, Jose Chameleone, Sheebah, Irene Ntale n’abalala bonna gye bali”  

More From The Author

Emboozi z’omuwandiisi endala

Emboozi endala

Awar 220x290

Owa Bukedde awangudde engule

Bannamawulire n’abayimbi bawangudde engule mu mpaka za Rising Star Awards

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.