TOP

Batabukidde omukazi asuza nnyazaala mu kaabuyonjo

By Musasi wa Bukedde

Added 10th January 2016

Nnyazaala eyawa mukamwana we obubudamu amufuukidde ezzike n'amugoba mu nnyumba gattako okumusiranga mu kabuyonjo ng'agamba nti akaddiye

Kasalabecca1 703x422

Ennyumba Ainaitwe gye yagobamu Namukwaya. Ku ddyo, Namagembe mulamu wa Ainaitwe.

AKABWA ke weeyolera ke kakuluma enteega. Kino kye kituuse ku mukadde Margaret Namukwaya eyawa mukamwana we obubudamu kyokka kati amufuukidde ezzike amugobye mu nnyumba nga kw’atadde n’okugiwasizzaamu omusajja wamu n’okumusibiranga mu kaabuyonjo ng’agamba nti akaddiye alina kufa bamuwone.

Carol Ainaitwe ow’e Nakabugo- Bulaga A ku lw’e Mityana yafuukidde nnyazaala we ekizibu. Florence Namagembe mulamu wa Ainaitwe yategeezezza nti mukulu we Ivan Museeve ali ku kyeyo e London yaleka azimbidde nnyina ennyumba.

Oluvannyuma Ainaitwe yamwegayirira amusuzeeko mu galagi kye yakola nga tamanyi nti yeeyolera kabwa kumuluma nteega n’okwagala okumuzza mu kyalo.

Ekyo tekyamumalira n’amugoba awaka ng’atiisatiisa okumutta. Embeera eno yeeraliikirizza abatuuze ne bamulumba nga baagala okumukuba.

Abatuuze baabakana n’omulimu gw’okuzimba omwala kyokka bwe batuuka ku maka ga Namukwaya, Ainaitwe ge yawamba n’abalemesa n’azimbawo ekikomera.

Kino kyanyiizizza abatuuze ne bamulumba kyokka ne yeesibira mu nnyumba ekyabawalirizza okukimenya.

Ainaitwe ensonga yazitutte ku poliisi y’e Bulaga omusango ne bagugoba olw’effujjo lyazze akola.

More From The Author

Emboozi z’omuwandiisi endala

Emboozi endala

Benitez22 220x290

Benitez munyiivu olwa Newcastle...

Newcastle yeggyeeko omutendesi Benitez oluvannyuma lw'endagaano ye okuggwaako.

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana