TOP

Mukama bw’agamba tewali ayinza kukulemesa - Mesach

By Musasi wa Bukedde

Added 2nd June 2018

KATONDA bw’agamba nti onooba ..teri agamba nti toobe, bw’agamba nti onoogaggawala teri agamba nti toogaggawale, bwagamba nti onoozaala teri agamba nti toozaale, bw’agamba nti onootuuka teri agamba nti tootuuke.

Sema703422 703x422

Mesach Ssemakula

Obubaka buno obuwa essuubi buli mu luyimba lwa Golden Papa Mesach Ssemakula owa Golden Productions olupya.

Oluyimba luno Mesach mwalagira gyenvudde we alutuumye ‘Bw’agamba’ ng’agamba nti Katonda bwasalawo tewali ayinza kukulemesa.

Alaga n’ebintu ebimufudde omuwanguzi mu nsiike y’okukuba omuziki n’okulemera ku ntikko n’akikuba mwaka ku mwaka.

Kyokka agamba nti bino tebivudde ku mukeeka azze atoba n’ensi, okubeera omumalirivu, okwekkiririzaamu, okwekwasa Mukama Katonda, okwewa ekitiibwa, okumanya ky’ayagala kyokka ng’ekisinga byonna kwe kukola ennyo.

Mesach Ssemakula eyasooka okukuba ennyimba nga: Kulika Baby, Njagala Nnyimbire Omutanda, Mummy Nzize, Kankutendereze, Abakazi abaguma, Ssi gwe onsiimira, Tukwegomba bangi, Ntongo, Benitah, Kyalimpa n’endala nnyingi agamba nti ekibuga yakiyingira wa myaka 16 n’atandika okuyiiya obulamu n’okunoonya omukisa gwe kitaawe n’atuuka n’okumugoba awaka nga bamuyita muyaaye, n’atambuza ebigere, okusula enjala, enkuba n’emukuba kyokka Katonda yaliwo mu kkubo lye kubanga akimanyi nti Mukama Katonda asinga sitaani amaanyi.

Oluyimba luno olukutte Bannayuganda omubabiro olw’obubaka obululimu, alukuba ne ku mikolo gy’embaga n’okwanjula kubanga Katonda bw’agamba nti.... onoofumbirwa tewali ayinza kuwakanya oba okulemesa.

Mu mbeera eno agamba nti kizibu omuntu okutuuka ku buwanguzi yekka bwatyo n’ayita banywanyi be abamubeereddewo nga batoba n’ensi okuli: Ronald Mayinja, Geoffrey Lutaaya, John Ssegawa, Mariam Ndagire bamwegatteko banywemu n’okunyumyamu.

Yategeezezza nti tannaba kukola vidiyo kyokka okusinziira ku bubaka bw’afuna okuva mu bawagizi be, lujja kumukolera okumuzzaayo ku ntikko anti bw’agamba...!

Yakubirizza abavubuka bulijjo okukola ennyo, okuba n’essuubi n’obutaggwaamu maanyi nga balina kye batandiseeko kubanga tewali birungi by’oyinza kufuna nga tokoze.

More From The Author

Emboozi z’omuwandiisi endala

Emboozi endala

Thumbnailkabongengomupiiraagulabiraeberuwekisaawe 220x290

Omutendesi Kabonge awanduse mu...

OMUTENDESI wa Katwe United FC mu Big League Allan Kabonge yeekandazze n’ava ku kisaawe ng’ayomba oluvannyuma lwa...

Thumbnailabazannyibacityoilersngabafaessanyulyekikopoekyomusanvu2 220x290

Aba City Oilers 2 batambulira...

ABAZANNYI ba City Oilers babiri mu liigi ya basketball eya babinywera,sizoni bagimazeeko nga batambulira ku miggo...

Genda 220x290

Abadiventi beebugira lukung'aana...

Ensi 13 ze zisuubirwa okwetaba mu lukungaana lw'aba Advent olutuumiddwa Kampala 2020 Mission Extravaganza Festival...

Sit16 220x290

Eyali yagongobala ateredde n'asuubiza...

Eyali yagongobala ateredde n'asuubiza okuddayo okusoma

Siminyu703422 220x290

Ab'ekitongole ekigaba paasipooti...

KAMISONA Brig. Johnson Amanya avunaanyizibwa ku Paasipooti n’okulondoola abasaba obutuuze, yategeezezza Bukedde...