TOP

Mc Kapale bamulemesezza amabugo ga King Kong

By Josephat Sseguya

Added 19th June 2018

KAZANNYIRIZI MC Kapale bamugobye mu lumbe lwa King Kong nga bamwekengedde okubulankanya amabugo.

Pepu 703x422

MC Kapale ku ddyo ye mugenzi MC King Kong

Kapale nga ye yavaako enjogera ya ‘tolina waaka’ abantu ennaku zino gye bakozesa nga by’okola tebijja, yagobeddwa mu maka ga King Kong mu lumbe e Kanyanya ku Ssande ekiro ssaawa 5:00 ez’ekiro ng’atandise okusolooza amabugo.

BYAZZE BITYA:

Kapale, omu ku bakazannyirizi olwabadde okukwata akazindaalo, yakunze abantu okusonda amabugo okusobozesa okuziika omuntu waabwe obulungi.

Baatandise okusonda ng’akutte akazindaalo n’ekibbo mwe baabadde bagateeka ng’abantu bwe bayimba ennyimba z’ennaku okutuusa omu ku baabaddewo lwe yeemulugunyizza ensaasaanya yaago bw’eneebeera.

Wano Kapale yamuzzeemu nti, “Tonnasonda obuuza nsaasaanya, wabula abantu abamu ne bawagira omukungubazi eyalemesezza abalala okuwa amabugo ne batandika kuwoggana nga bagamugobako?”.

Naye nno tawena kubanga yabazzeemu nga bw’atayinza kulya mabugo ng’ate bo be bazze bassa ssente mu munnaabwe nga ne mu lumbe baabadde bamusazeewo balabe ebigaanye beesondemu ssente bakikoleko.

Kapale oluvannyuma yategeezezza Bukedde nti ye yamanya dda abantu nti tebasiima naye takifaako ne bwe baamubbiikiriza amabugo, eby’okumwogerera obubi yabimanyiira era n’okuziika yaziise eggulo e Gomba, King Kong gye yaziikiddwa.

King Kong ng’amannya ge amatuufu ye Hassan Lumu, yafudde musujja mu kiro ekyakeesezza Ssande mu maka ge e Kanyanya.

Abadde agatta okuzannya komedi, okuzina n’okukola obwa MC ku mikolo.

ENGERI AMABUGO GA BASEREEBU BWE GAZZE GABIZAALIRA ABANENE;

  • Mu May wa 2013 mu kuziika omuyimbi Martin Angume, waliwo abaakissa ku Andrew Benon Kibuuka nti amabugo gaamutabukako wabula yabyegaana ekyo ne kiva mu ddiiro.
  • January wa 2014, amabugo ga Paddy Bitama gaabizaalira abaali bakazannyirizi banne, Amooti Omubalanguzi ne DJ Messe wabula Amooti n’agamba nti ye yatwalako 50,000/- zokka ate Messe n’agamba nti agasinga naddala ge baasolooleza ku National Theater gaali ga bicupuli.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi