TOP
  • Home
  • Kasababecca
  • OLuyimba lwa tukiggale lutabudde Carol Nantongo ne Racheal Namiiro

OLuyimba lwa tukiggale lutabudde Carol Nantongo ne Racheal Namiiro

By Musasi wa Bukedde

Added 14th November 2018

OLuyimba lwa tukiggale lutabudde Carol Nantongo ne Racheal Namiiro

Nan1 703x422

Carol Nantogo ku kkono ate ku ddyo ye Racheal Namiiro owa Da Nu Eagles sikaati gwe yagwako ng'ayimbira mu kivvulu kya Kyarenga

OMUYIMBI Carol Nantongo atabukidde muyimbi munne Racheal Namiiro ng’amulanga kuswaza linnya lye n’okukola ssente mu luyimba lwe olwa ‘‘Tukiggale’’ nga tamuwadde lukusa.

Kiddiridde Namiiro okusumulula sikaati manya sikaati okumugwako ng’ali ku siteegi ayimba ‘Tukiggale’’ ne Eddy Yawe e Busaabala mu Kyarenga n’akunamira abantu. Abantu abaamulabye baasoose kulowooza nti Carol Nantongo kubanga ye yayimbanga oluyimba luno ne Eddy Yawe.

Nantongo agamba nti waliwo abaamukubidde essimu nga bamubuuza lwaki yeeswaza atyo ekintu ekyamuweebudde. “Simanyi lwaki omuwala oyo yeesibye ku luyimba lwange era simanyi yamuwa lukusa kuluyimba kubanga teyasookedde Busaabala, azze aluyimba mu bifo eby’enjawuulo kati laba yagenze kunswaza’’. Agamba nti ekyasinze okumunyiiza kwe kuweereza Eddy Yawe obubaka ku ssimu ng’amubuuza ku by’okuyimba mu kivvulu kino n’atamuddamu ate yagenze okulaba ng’ayimba na Namiiro.

Kyokka Namiiro agamba nti ye talina musango kubanga Eddy Yawe ye yamusabayo ewa mukama we Geofrey Lutaaya mu butongole nga Nantongo amwecangiddeko ayimbe naye oluyimba luno naddala ku mikolo gye bamupangisizza era Yawe amusasula buli lwe bayimba nga n’e Busaabala ye yamututteyo.

Bwe twayogedde ne Eddy Yawe yagambye nti Carol Nantongo talina buyinza ku luyimba luno kubanga yamuyambako buyambi era y’asalawo ekyokulukolera n’ani gw’alina okuyimba naye.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...