TOP

Bajjo anyiga biwundu nga bw’awera

By Musasi wa Bukedde

Added 24th April 2019

Ekivvulu kya ‘Kyalenga Extra’ bwe kyasaziddwaamu n’akanyoolagano akaabaddewo nga Bobi Wine n’abategesi bakwatibwa, bapulomota ababadde bategese ekivvulu kino kati basazzeewo kuddukira mu kkooti nga bagamba nti bagenda kuwawaabira poliisi ne gavumenti okubafiiriza obutitimbe bwa ssente n’okubatulugunya.

Nyiga 703x422

Andy Mukasa owa Bajjo Events, omu ku bategesi eyasangiddwa mu ddwaaliro lya Sanyu Doctors Clinic e Bulenga gye yaweereddwa ekitanda olw’obuvune bwe yafunye ng’akwatibwa ku Mmande ne munne bwe baabadde bategese, Abby Musinguzi (Abitex) n’abalala, agamba nti obukambwe n’effujjo ebyabakoleddwaako tebigenda kubaggya ku mulamwa gwe baliko okulwanirira eddembe lyabwe ng’abategesi b’ebivvulu.

Bagamba nti kati ensonga bazitwala mu kkooti okulaba nti ebivvulu byabwe ebirala okuli eky’e Gulu ne Lira bikkirizibwa.

Bajjo bakira akuba mu kifuba okulaga amaanyi agamba kimuluma olw’obuvune bwe yafunye ng’abaserikale bamukwata okumuyingiza mmotoka ya poliisi ekola ng’ekkomera so nga n’amaaso gamubalagala n’olususu okumusiwa olwa kaamulali gwe baamufuuyidde.

Agamba nti munnamateeka waabwe Loodi Meeya Erias Lukwago ali mu kukola ku mpapula ze batwala mu kkooti era bali na mu kubalira ssente ze baafiiriddwa mu kupangisa ekibozesebwa n’okuteeka ebirango ku ttiivi, leediyo n’emikutu emirala.

Omusawo Joshua Isingoma ajjanjaba Bajjo yategeezezza nti yafunyeemu ku njawulo.

Omwogezi wa Poliisi mu Kampala n’emiriraano, Fred Enanga, ebyatuuse ku Bajjo ne banne yabiyise ku batangira kumenya mateeka kubanga ekivvulu kyabwe kyabadde kisaziddwaamu olw’abategesi okulemererwa okutuukiriza ebisaanyizo bye baabalagidde era nti y’ensonga lwaki tebaabasibye.

More From The Author

Emboozi z’omuwandiisi endala

Emboozi endala

Has 220x290

Munyiikire okwekebeza siriimu,...

MUNYIIKIRE okwekebeza n’okumira obulungi eddagala naddala abakyala b’embuto kubanga akawuka kabeera kangi mu musaayi...

Manya 220x290

Amaka g’omugenzi Sheikh Kirya Nnamwandu...

NNAMWANDU w’omugenzi Sheikh Ibrahim Kirya obulamu bwongedde okumukaluubirira era kati asazeewo okusammula amaka...

Vuga 220x290

Amuteebereza okwagala bba obusungu...

Namusisi yeewuunyisizza abatuuze kubanga bwe yamaze okutema omwana teyadduse yasigaddewo era poliisi y’e Ziroobwe...

Muganda 220x290

Omwana owa P3 akubye muto munne...

OMWANA owa P3 alwanye ne munne n’amukuba ekikonde ekigambibwa nti kye kyamuviiriddeko okufa.

7541207435164745350369644383121267822166016o 220x290

Engeri Rema gy’annyogozza Kenzo...

OKWOGERA kwa Rema Namakula mu kwanjula kwongedde okunnyogoza abawagizi ba Kenzo. Ng’oggyeeko okusuuta Hamza Ssebunnya...