TOP

Bajjo akubye Lukwago akaama mu kkooti

By Musasi wa Bukedde

Added 8th July 2019

OMUTEGESI w’ebivvulu Ssaalongo Andrew Mukasa amanyiddwa nga Bajjo owa Bajjo Events ekkomera limunyize.

Funa1 703x422

Yazze mu kkooti nga yenna awotose ekyakanze abawagizi be ne mikwano gye abaakulembeddwaamu Abby Musinguzi amanyiddwa nga Abtex (ku kkono).

Kyokka bano yabazizzaamu amaanyi bwe yagambye nti wadde embeera gy’alimu emunyiga naye alina essuubi nti buli kimu kijja kuggwa n’e Luzira aveeyo.

Bajjo ali ku misango ebiri okuli: ogw’okukuma omuliro mu bantu n’okwogera ebigambo ebigendereddwaamu okunyiiza omukulembeze w’eggwanga.

Ku Lwokutaano yaleeteddwa mu kkooti ya Buganda Road era ku mulundi guno yabadde asuubira okuyimbulwa ku kakalu ka kkooti nga bwe yasaba kyokka kyamubuuseeko omulamuzi Gladys Kamasanyu bwe yakamutemye nti mulamuzi munne Stella Amabirisi ali mu mitambo gy’omusongo gwe taliiwo n’alagira addizibweyo e Luzira okutuusa ku Lwokuna nga July 11, 2019.

Wadde nga munnamateeka we Loodi meeya, Ssaalongo Erias Lukwago yagezezzaako okunnyonnyola omulamuzi nti omuntu we (Bajjo) mulwadde alumizibwa nnyo mu lubuto ng’era yeetaaga okufuna obujjanjabi obwamangu nasaba ayimbulwe ku kakalu, Omulamuzi yamutegeezezza kimu nti ye akolera ku biragiro bye baamuwadde okwongezayo omusango guno.

Bajjo yakwatibwa nga June 15, 2019 okuva ku bbaala ya Mix Louge ku Centenary Park bwe baali mu lukung’aana lwa bannamawulire ne Abtex.

More From The Author

Emboozi z’omuwandiisi endala

Emboozi endala

Nicho 220x290

Amagye gasazeeko ffaamu ya taata...

AMAGYE ne poliisi basazeeko ffaamu ya taata wa Bobi Wine omugenzi Wellington Jackson Ssentamu e Gomba.

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.

Hat12 220x290

Bebe Cool atongozezza Kampeyini...

Bebe Cool atongozezza Kampeyini y'okulwanyisa TB oluvannyuma lw'okusaka ensimbi ezikunukkiriza obuwumbi bubiri...