TOP

Poliisi etufiirizza obukadde 540

By Musasi wa Bukedde

Added 5th August 2019

BATEGESI b’ebivvulu Abbey Musinguzi owa Abtex Promotions ne Ssaalongo Andrew Mukasa owa Bajjo Events batwala Dayirekita wa poliisi avunaanyizibwa ku bikwekweto, Asuman Mugenyi mu kkooti. Bagamba nti Mugenyi ye yateeka omukono ku kiwandiiko ekibakkiriza okutegeka ‘‘Ekyepukulu Ani Asinga 2019’’ mu kisaawe e Wankululuku ate y’omu ye yabayimirizza. Ky’abadde kirina kubaawo ku Ssande nga August 4.

Abtexnebajjo2newaaa 703x422

Bajjo ne Abtex nga bibasobedde

ABATEGESI b’ebivvulu Abbey Musinguzi owa Abtex Promotions ne Ssaalongo Andrew Mukasa owa Bajjo Events batwala Dayirekita wa poliisi avunaanyizibwa ku bikwekweto, Asuman Mugenyi mu kkooti. Bagamba nti Mugenyi ye yateeka omukono ku kiwandiiko ekibakkiriza okutegeka ‘‘Ekyepukulu Ani Asinga 2019’’ mu kisaawe e Wankululuku ate y’omu ye yabayimirizza. Ky’abadde kirina kubaawo ku Ssande nga August 4.

‘‘Bino ebivvulu tubikolanga bizinensi era twewola obukadde 300 kwe twagatta ezaffe okutegeka ekivvulu kino nga bbanka eyagala amagoba ga bukadde 100. Kati omuntu okukeera ku makya n’ayimiriza  ekivvulu kino nga wabulayo ennaku bbiri zokka kyokka nga tukirangidde emyezi egisukka mu ebiri mba sibitegeera era tetugenda kukkiriza poliisi kutwavuwaza nga tulaba’’. Abtex eyabadde omunakuwavu bwe yategeezezza.

Eggulo Abtex ne Bajjo baawadde Munnamateeka waabwe Erias Lukwago ekiragiro okuwawaabira poliisi olw’okulemesa ekivvulu kyabwe. Baagala Gavumenti ebaliyirire obukadde obusoba mu 500 okuli: ze baatadde mu kulanga ku ttivvi ne leediyo ez’enjawulo, okulanga mu mpapula z’amawulire, okukuba ‘bbaana’, okusasulira ekisaawe n’ebyuma bye baataddemu obukadde 180.

Endala kuliko ze baasasula abayimbi ne bakazannyirizi obukadde 150 n’ebirala wamu n’amagoba ge babadde basuubira okufunamu. Bajjo eyasangiddwa ku poliisi e Wankulukuku gye yabadde agenze okweyanjula eggulo yategeezezza nti, ‘‘Ffe tetuli bannabyabufuzi era tetumanyi lwaki gavumenti etuyigganya okuggyako ng’eyagala  kutusibira mu bwavu.

Bajjo ne Abtex poliisi yabakwatidde ku kisaawe e Wankuluku ku Ssande ne babakunguzza okubatwala ku poliisi ya Jinja Road gye baabasibidde okumala akabanga ne babata ekiro nga babalanga okukuma omuliro mu bantu. Ku poliisi y’e Wankulukuku baatuukidde mu ofiisi y’akulira okunoonyereza ku buzzi bw’emisango eyasoose okubaako b’abakubira essimu n’oluvannyuma n’abalagira baddeyo ku Lwokuna lwa wiiki eno.

Okusinziira ku looya waabwe, Erias Lukwago, abantu be bano poliisi yabagguddeko emisango ebiri okuli: okukuba olukung’aana olumenya amateeka n’okukuma omuliro mu bantu. Omwogezi wa Poliisi mu Kampala n’emiraano, Patrick Onyango yategeezezza nti okuyimiriza ekivvulu kino baatidde nti waabadde wayinza okubeerawo embeera etali ya butebenkevu eri abantu abangi ababadde basuubirwa okukyetabamu.

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana