TOP

Ekyana kiwuubye John Blaq n'akkiriza

By Musasi wa Bukedde

Added 1st November 2019

OMUYIMBI John Kasadha eyeeyita John Blaq omuziki gwakuba ennaku zino teguleka byana mu ntebe. Era abamugoberera ennaku zino bagamba nti ssinga abadde asoma, yayingidde dda yunivasite ng’ate buli lwakola ebibuuzo ayitira waggulu.

Johnblaq15 703x422

John Blaq n'ekyana nga bazina

OMUYIMBI John Kasadha eyeeyita John Blaq omuziki gwakuba ennaku zino teguleka byana mu ntebe. Era abamugoberera ennaku zino bagamba nti ssinga abadde asoma, yayingidde dda yunivasite ng’ate buli lwakola ebibuuzo ayitira waggulu.

John Blaq alina ennyimba nga: ‘Tukwatagane, Do Dat, Ebintu byo, Makanika, Maama Bulamu, Tewelumya, Sweet Love kwe yagasse Aya Bass akuguse mu bintu by’omuziki anti buli gy’agenda avaayo bakkirizza nti omwana yajja.

Wadde John Blaq ayimba atontoma ebigambo, ennyimba ze zino zirimu amakulu nga n’ezisinga za mukwano era zifuukuula ebyana ne bimulumba ku siteegi ne batiguka. Alina ekivvulu kye yabaddemu akaana ne kamusoomooza kyokka yagenze okuva ku siteegi ng’ayoya busera. Kwe kugamba akaana kaamuwuubye n’akkiriza.

Musa Kavuma owa KT Events yawuliddwa ng’agamba nti omwana yakubye oluyimba lwa ‘‘Aya Bass’’ oba luyite ‘‘Ebyalagirwa’’ ne lumuwoomera n’ekyaddiridde kunoonya maneja we Norman ne bakutula ddiiru.

Kavuma ne John Blaq bategese ekivvulu kye Batuumye ‘‘ The Aya Bass Concert’’ ekigenda okubeera ku Freedom City e Namasuba nga November 29, 2019. Nga November 30, Trans Africa Jinja ate nga December 1, abeere ku Agip Motel e Mbarara. Ekivvulu kino kiwagiddwa Vision Group efulumya ne Bukedde. 

More From The Author

Emboozi z’omuwandiisi endala

Emboozi endala

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono

Bad1 220x290

King Michael akaayidde Balaam

King Michael akaayidde Balaam