TOP
  • Home
  • Masaka
  • Bankubakyeyo bazze kunoonyeza Museveni kalulu

Bankubakyeyo bazze kunoonyeza Museveni kalulu

By Ssennabulya Baagalayina

Added 5th January 2016

TTIIMU ya bannakibiina kya NRM abakolera mu mawanga g’ebweru, bazze kuno ne babakana n’ogwokusaggulira Pulezidenti Museveni obululu obunaamuzza ku ntebe.

Kyeyo 703x422

Walusimbi ku kkono ng'asabira Ssentongo wakati obululu

TTIIMU ya bannakibiina kya NRM abakolera mu mawanga g’ebweru, bazze kuno ne babakana n’ogwokusaggulira Pulezidenti Museveni obululu obunaamuzza ku ntebe.

Bamuvabulaaya bano abaakulembeddwa, Abbey Walusimbi, ssentebe w’ekibiina ekibagatta ekya NRM Diaspora League, okusaggulira Museveni obululu baakutandikidde mu Masaka n’emiriraano nga baakwetooloola eggwanga lyonna.

Ssentebe Walusimbi ne banne bannyonnyodde nti beekuhhaanyizza okuva mu mawanga agatali gamu gye bakakkalabiza emirimu gy’ekyeyo ng’ekyabaleese kuno kwe kunnyonnyola

Bannayuganda ebirungi by’obukulembeze bwa Museveni.

Agamba nti ekibiina kyabwe kirimu Bannayuganda abakolera mu mawanga nga South Afrika, Amerika, Bungereza n’awalala gye bakubira ekyeyo naye nga bawagizi ba NRM.

Walusimbi ne banne okuli Keith Kitungulu Bbosa, Hajji Ahmad Ssempijja, Moses Mpanga, Proscovia Mbabazi Ssennyonga, Baker Ssekamatte, Fred Opolot, Dr. Josephine Ssenkungu n’abalala baanokoddeyo ensonga mwe basinziira okuwagira Museveni omuli;

1 Okussaawo enkolagana n’amawanga amalala mu by’obusuubuzi ekiwa Bannayuganda eddembe okukuba ebyeyo mu mawanga ago n’abaayo ne bajja kuno nga tebataataaganyiziddwa mu bya ssente.

2 Bagasseeko, eddembe NRM lye yawa Uganda naddala okufuga amagye gattako NRM okussaawo enkola ya Bonnabasome mu pulayimale ne siniya.

3 Okukola enguudo ng’olwa Kampala, Masaka - Mbarara n’endala okuli n’ezidda mu masoso g’ebyalo ze bagamba nti zikoleddwa nga n’ezitannakolebwa ziri mu ntegeka ng’ekyetaagisa kwe kunywereza Museveni mu ntebe.

4 Baggyeeyo eby’obujjanjabi nti NRM esoosowazza eky’okuzimba amalwaliro mu buli kitundu n’okugaddaabiriza nti wadde eddagala likyabulamu naye ekyo Museveni yekka y’ajja okukinogera eddagala.

Baasabye Bannayuganda naddala abavubuka obutabuzaabuzibwa beesimbyewo balala okuli Amama Mbabazi ne Dr. Kiiza Beesigye nti abo mpaawo kye bagenda kukyusa mu ggwanga.

Baakunze Bannamasaka n’emiriraano obululu bwonna babuyiire Museveni n’abakwatidde NRM bendera ku bifo by’obukulembeze eby’enjawulo.

Baatalaaze obubuga bwa Masaka bwonna n’oluvannyuma ne boogerera mu lukuhhaana lwe baakubye mu kibangirizi kya Golf Course nga lwetabiddwaamu RDC Capt. Kigozi Kaweesi n’amyuka RDC e Kalangala, Teopista Lule Ssenkungo.

Basabye abantu bawagire Herman Ssentongo avuganya ku kifo ky’omubaka wa Palamenti ow’ekibuga Masaka.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...