TOP

Akatale k’e Nateete katundiddwa

By Kizito Musoke

Added 23rd July 2017

PALAMENTI eyingidde mu nsonga z’akatale k’e Nateete Central Market akaatundiddwa.

Tunda1 703x422

Omumyuka wa meeya w’e Lubaga, Asuman Ntale ayimiridde ng’alaga loodi meeya Erias Lukwago empapula eziraga nti akatale kaatundibwa.

PALAMENTI eyingidde mu nsonga z’akatale k’e Nateete Central Market akaatundiddwa.

Abakozi ba KCCA abaakulembeddwa dayirekita w’ekibuga, Jennifer Musisi baategeezezza akakiiko ka Palamenti aka COSASE akabuuliriza ku nzirukanya y’ebitongole bya Gavumenti nti e Nateete tebamanyiiyo katale nti akatale ka KCCA ke bamanyi kali Busega.

Baabadde batangaaza ku byafulumira mu lipooti y’omubalirizi w’ebitabo bya Gavumenti ey’omwaka 2013/2014, eyalaga nga famire y’omugenzi Hajji Asuman Numba bwe yali ekaayanira ettaka okuli akatale ne KCCA.

Aba KCCA baategeezezza nti famire ya Hajji Numba yawangula ekitongole kya KCCA ku bwannannyini bw’ettaka okwali akatale.

Baagambye nti wadde ekitongole kyali kisazeewo okugula ettaka lino, kyokka ssente ze baali babasalidde tebaazimalaAyo.

Bagambye nti KCCA oluvannyuma yayagala okutunda ettaka lino okuli akatale eri musigansimbi, kyokka aba famire y’omugenzi Numba ne beekubira enduulu mu kkooti nga bagamba nti tebalina bwannannyini okuva bwe baalemererwa okusasula ssente ze baali bakkaanyizaako.

Oluvannyuma omusango gwasalwa era aba KCCA ne bawaayo ettaka okwali akatale.

Abdu Katuntu (Bugweri) ssentebe w’akakiiko yabuuzizza akatale k’e Nateete we kasangibwa, kyokka aba KCCA ne bamutegeeza nti tebamanyi we kali.

Wadde Florence Namayanja (Bukoto East) yategeezezza nti akatale k’e Nateete kaazimbibwa ku ssente ezaava mu Banka y’Ensi yonna, kyokka aba KCCA baategeezezza nti tebakamanyi.

Moses Kasibante (Lubaga North) yaleese lisiiti za KCCA eza layisinsi ze bazze bawa abasuubuzi era nga yeewuunyizza okuwulira nti tebamanyi katale kano.

Yaleese ebbaluwa eyawandiikibwa Caleb Mugisha, ng’ono munnamateeka wa KCCA ng’awandiikira kkampuni ya Kaggwa and Co. Advocates eyakiikirira kampuni ya RR abaagula akatale ng’abalaga nga bwe batamanyi katale akoogerwako.

Bino we bijjidde ng’abasuubuzi bali mu kusattira oluvannyuma lw’akatale kaabwe okutundibwa nga bali mu bweraliikirivu nti essaawa yonna bandisengulwa.

Baatuuzizza olukiiko ku Lwokubiri olwetabyemu Loodi Meeya Erias Lukwago gwe baasabye abataase.

Omumyuka wa meeya we Lubaga , Asuman Ntale yazze n’ekiwandiiko kye yaggye mu kitongole ky’ebyettaka kye yasomedde abasuubuzi nga kiraga ng’akatale bwe kaatundibwa.

More From The Author

Emboozi z’omuwandiisi endala

Emboozi endala

Gala 220x290

Aba Man City tebajulira Bravo

CLAUDI Bravo ayolekedde okuvundira ku katebe mu Man City oluvannyuma lw’Omubrazil Ederson, eyaakagulwa mu Benfica...

Gobwa1 220x290

Owa Leicester City akwatiddwa ku...

Leicester, eyawangula Premier mu sizoni ya 2015-16 efuumudde omutendesi Craig Shakespeare olw’okulemwa okulinnyisa...

Waga 220x290

Liverpool etimpudde Maribor ggoolo...

OMUTENDESI wa Liverpool, Jurgen Klopp atenderezza abazannyi be obuteesaasira nga bawuttula Maribor eya Slovenia...

Banga 220x290

'Real Madrid egule Harry Kane'...

EYALIKO Pulezidenti wa Real Madrid, Ramon Calderon awadde abakungu ba ttiimu eno amagezi, okugula Harry Kane okumuggya...

Pala 220x290

Engeri gy’osaggula omukwano mu...

ABASAJJA bangi mulemwa okusaggula obuwoomi bw‛akaboozi ate ne mwekwasa ng‛abakazi bwe batabacamudde, so ng‛ensobi...