TOP

KCCA eteesezza ne famire y’omutembeeyi eyafiiridde mu mwala

By Musasi wa Bukedde

Added 7th August 2017

KCCA bagitaddeko akazito n’eteesa ne famire y’omukyala omutembeeyi, Olivia Basemera eyafiiridde mu mwala.

Peterkauju703422 703x422

Omwogezi wa KCCA, Peter Kauju

Ekoze ku by’okuziika n’ebawa n’obukadde butaano. Abaserikale baayo bana abaabadde mu kikwekweto ekyo nabo bayitiddwa ku poliisi ya Jinja Road babitebye n’eyabakulidde Godwin Katugume ne bamulagira annyonyole ku byabaddewo.

Loodi Meeya Erias Lukwago yagambya nti tasobola kukolera mu kitongole kitamanyi nkwata ya Bannakampala era ayagala abaserikale bonna bazzibweyo batendekebwe n’abeenyigira mu kutulugunya abantu babonerezebwe.

“Lwaki omuntu agoba omutembeeyi n’amuyingiza mu mwala n’alaba ng’amazzi gamutwala n’agaana okumuyamba. Emitima egy’ensolo n’obutemu tetusobola kugikkiriza mu Kampala. Njagala lipooti ekwata ku nkola y’abaserikale baffe aba KCCA kuba okwemulugunya okuva mu Bannakampala kususse,” Lukwago bwe yagambye.

Kino kiddiridde omukyala Olivia Basemera abadde alejjesa obutambaala ku nguudo ez’enjawulo naddala ku Jinja Road okugobwa abaserikale ba KCCA abakwasisa amateeka n’ayingira omwala ogwabaddemu ettosi n’afiiramu.

Omwogezi wa KCCA, Peter Kaujju yagambye nti ensonga zonna baazikwasizza poliisi era ebinaavaayo bye bagenda okukolerako.

“Abamu bagamba nti, omukyala yalengedde mmotoka y’abaserikale baffe n’adduka mu mwala ate abalala nti abaserikale baamugobye ne bamuyingiza mu mwala,” Kaujju bwe yagambye.

Ssentebe w’abatembeeyi, Joseph Kagolo yategeezezza nti okubonaabona kwe balimu kuvudde ku KCCA kugaana kubayamba. Baasabye Loodimeeya Lukwago, abayambe babawe enguudo okutandika n’essaawa 11:00 ez’olweggulo buli lunaku.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...