TOP

KCCA efuumudde abatembeeyi ku nguudo

By Musasi wa Bukedde

Added 16th August 2017

KCCA etadde ekifuba ku babadde balejjesa ebyamaguzi ku nguudo n’okubitambuza mu kibuga wakati bonna n’ebagobako.

Paba 703x422

Kampala bw’afaanana oluvannyuma lw’okugoba abatembeeyi ku nguudo.

Abamu badduse ne beekukuma wansi mu mwala gwa Nakivubo, abalala balinnye waggulu ku bizimbe ate abakolera mu ppaaka beekukumye mu takisi gye basinzidde ne bategeeza nti bakyatunuulira mbeera balyoke basalewo ekiddako.

Embeera ebadde ya bukkakkamu era tewali akoze kavuyo konna wadde okulwana.

Ebimu ku bifo aba KCCA bye babadde batya ennyo naddala ku mwala gwa Nakivubo, Namirembe Road, Blue Room, Mini Price, ku biwologoma ne ku Jinja Road tewabadde wadde eyeesimba mu maaso g’omuserikale yenna!

Abaserikale ba KCCA baakulembeddwa poliisi nga buli mmotoka ya KCCA ebaddeko abaserikale ba poliisi abasoba mu bataano abeekapise ebisawo omubeera obukebe bwa ttiyaggaasi n’emmundu.

Baasindikiddwa ku nguudo nga balinga abagenda mu lutalo kyokka tewabadde kuwalira.

Omwogezi wa KCCA, Peter Kaujju yategeezezza nti baasindise abaserikale baabwe nga bali mu bibinja eby’enjawulo.

Abamu baabasindise kusomesa abakolera mu maduuka baggye ebintu byabwe mu nguudo.

Abalala baabasindise okulagira ababadde batundira mu nguudo okuzivaako era ekikwekweto tekibadde kya kukwata bantu wabula okusindika akabonero nti buli abadde akolera mu kifo ekimenya amateeka akiveemu era bavuddewo.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...