TOP

' Nze natta mukama wange'

By Eria Luyimbazi

Added 5th November 2017

POLIISI e ekutte omuvubuka agambibwa okutta mukamaawe mu maka ge Najjanankumbi.

Tta 703x422

Owapoliisi ng’alaga Namureeba eyakwatiddwa.

Obed Namureeba ye yakwatiddwa poliisi y’e Katwe ku bigambibwa nti, ye yatta mukama we Sam Bakeebwa eyali omusuubuzi ku Luwuum Street bwe yali akola mu maka gano ng’omuyambi.

Amyuka omwogezi wa poliisi mu Kampala n’emiriraano, Luke Oweyesigire yagambye nti Bakeebwa yattibwa nga September 2, 2017 ng’ettemu lino we lyabeererawo Namureeba yabula ekikakasa nti ye yamutta “Tuludde nga tunoonyereza ku ttemu eryakolebwa ku Bakeebwa era twakutte eyali omukozi we okuyamba mu kunoonyereza,” Oweyesigire bwe yategeezezza.

Yagambye nti Namureeba okukwatibwa abaserikale bamukukunudde Masaka nga yeekukumye ewa mugandawe.

Yategeezezza nti oluvannyuma lw’okukwatibwa Namureeba yakkirizza okutta Bakeebwa oluvannyuma lw’okupangisibwa nga yakozesa ekiso, omulambo n’aguyiwako kaamulali okutta ekivundu.

Yagambye nti Namureeba bamutaddeko eriiso ejjogi n’okumukugira okumala galya mmere kuba aliko abantu b’ayogera abaamupangisa okukola ettemu lino nga bayinza okumutuusaako obulabe n’abaserikale abakuuma akaduukulu baaweereddwa ebiragiro.

Yagasseeko nti okunoonyereza kukyagenda mu maaso oluvannyuma lw’okuggulawo fayiro CRB 1438/2017.

More From The Author

Emboozi z’omuwandiisi endala

Emboozi endala

Madiinahislamicsskaterekensangi 220x290

Abaakoze obulungi mu bya S.6 bakyajaganya...

Abayizi ba Mirembe Islamic SS Gangu nga bajaganya olw'obuwanguzi bwebatuuseeko mu bibuuzo bya Ssiniya ey'omukaaga....

Conduct 220x290

Kirumira yeeyanjudde ku kkooti...

MUHAMMED Kirumira yeeyanjudde ku kitebe kya poliisi ekikwasisa empisa ekya Police Standard Unit (PSU) e Bukoto,...

Buzo1 220x290

Omuwendo gw'abawala abatudde S.6...

Janet Museveni minisita w’ebyenjigiriza n’emizannyo yennyamidde olw’omuwendo gw’abayizi abawala abaatudde S6 ogukendedde....

Burn 220x290

Gen. Kayihura ayagala amateeka...

OMUDUUMIZI wa poliisi mu ggwanga Gen. Kale Kayihura asabye okuyusa mu mateeka okusobola okuvunaana muntu akwatiddwa...

Xlarge514749 220x290

Omuzungu eyali ne munne n'afiira...

OMUZUNGU munnansi wa Finland Suvi Linden, eyali ne munne Terasvouri Tuomas Juha Patteri, eyasangibwa ng’afiiridde...