TOP

Kirumira ne Ntakke battunka lwa kizimbe

By Moses Nsubuga

Added 21st February 2018

WABULUSEEWO obutakkaanya wakati w’abagagga ba Kwagalana Godfrey Kirumira ne Guster Lule amanyiddwa nga Ntakke ng’entabwe evudde ku musingi gw’ekizimbe omu gw’asimye okulinaana ekizimbe kya munne.

Wata1 703x422

Kirumira (wakati) n’abamu ku bazze okulambula ekizimbe kye bwe kyonoonese.

Obutakkaanya buddiridde Ntake okusima omusingi gw'ekizimbe kye okumpi n’ekya Kirumira ekirese ekizimbe kya Kirumira okusigala mu bbanga n’okwonoona ebimu ku bintu by’ekizimbe kino omuli, kaabuyonjo, payiipu z’amazzi ne kazambi wamu n’emmaali y’abasuubuzi.

Ekibizimbe ebivuddeko obutakkaanya bisangibwa ku luguudo lwa Luwum ng'omugagga Kirumira gye yagenze oluvannyuma lw’abapangisa okwemulugunya mu KCCA olw’ekizimbe kya City Complex okutandika okukankana naye n’ayitibwa.

Abapangiisa ba Kirumira abakolera kizimbe kya City Complex ekyali ekya Basajjabalaba beemulugunyizza ku weetiiye ezaabadde zisima omusingi omuwanvu awagenda okubeera paakingi okulinana n’ekyabwe wabula nga weetiiye gy’ekoma okusima nga n’ekizimbe gye kikoma okukankana ne bafuna okutya n’okweraliikirira okugwa ne bafiirwa emmaali n’obulamu bwabwe.

Okusinziira ku yinginiya Edward Lule akuliddemu okuzimba ekizimbe kino agamba nti, omugagga Ntakke yagula ekizimbe ekikadde omubadde mutundibwa ebizimbisibwa e Nakasero ng’era abadde asima omusingi ateekewo ekizimbe ekipya nga kya myaliiro 13.

 ing ule ku kkono ing gaba ku ddyo owa  nga bagezaako okunnyonnyola irumira amuddiridde Ying. Lule (ku kkono) Ying. Agaba (ku ddyo) owa KCCA nga bagezaako okunnyonnyola Kirumira (amuddiridde).

Lule ayongerako nti, baagenda mu KCCA eyabakkiriza okuzimba era nga babadde basima n’obukugu omugagga Kirumira yabadde yeeraliikiridde ekizimbe kye okugwamu ekitasoboka kuba ekizimbe kye kino ekya City Complex kipya nnyo okwawukanako n’ekkyagwa ku Nasser Road ekyali ekikadde ddala.

Omugagga Kirumira yasangiddwa ku kizimbe kino n’abazimbi ba Ntakke n’abakungu ba KCCA ababadde bakulembeddwaamu Vira Agaba ateekerateekera ekibuga ne bayimiriza okusima okutuusa ng’ensonga eno egonjoddwa.

Agaba yawadde bayinginiya obukwakkulizo okuli; okumuwa pulaani y’ekizimbe, ekiwandiiko okuva mu KCCA ekiruhhamya engeri y’okuzimbamu ekizimbe kino, empapula za yinginiya, obutandamu kusimisa weetiiye ku ludda oliraanye ekizimbe kya Kirumira, okusimisa emikono okuliraana ekizimbe kya Kirumira okwewala omusinde oguyinza okunafuya City Complex, okutereeza n’okuddabiriza ebyayonoonedwa byonna.

Ying. Edward Lule yeeyamye okutuukiriza ebiragiro bya KCCA era n’alagira basajja be okulekera awo okusima okutuusa ng’ensonga zino zigonjoddwa.

Yinginiya wa KCCA ne yinginiya Lule n’omugagga baalambudde ekizimbe okulaba ebintu ebyayonoonese.

More From The Author

Emboozi z’omuwandiisi endala

Emboozi endala

Ket1 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze butto wa ovakkeddo gy'ayinza okutasaamu asiriiza entamu ssaako okufuukuuka...

Gwa 220x290

Anoonya omuvubuka ali siriyaasi...

OMWAKA nga gutandika abaana abawala bangi basazeewo okukkakkana era bangi bayigga bavubuka batuufu. Ku bawala 10...

Noonya 220x290

Nnoonya omwami ananjagala n’omwana...

Njagala omwami alina empisa, eyazimba nga mwetegefu okunfunira omulimu n’okugenda ewaffe n’okunjagala n’omwana...

Teba 220x290

Esther weebale kumponya laavu y’abayaaye...

NZE Henry Ssekabo, 26 nkola gwa busuubuzi nga mbeera Kawempe mu muluka gwa Bwaise II, Tebuyoleka Zooni.

Spice 220x290

Maneja Roger ye yamponya okudda...

NG’EBULA ennaku mbale okutuuka ku konsati ya Spice Diana etuumiddwa ‘Spice Diana live concert’ egenda okubeera...