TOP

KCCA egumizza Bannakampala ku kalippagano k’ebidduka

By Hannington Nkalubo

Added 1st March 2018

KCCA etegeezezza nti enguudo 48 ezikolebwa ekiseera kino n’amasahhanzira 13 ge bagenda okussaamu ebitaala ebikola ku bidduka bigenda kuyamba nnyo okumalawo obulippagano bw’ebidduka.

Trafficjam703422 703x422

Akulira eby’enguudo mu Kampala, Eng. Andrew Kitaka ategeezezza nti zino enguudo 48 ezikolebwa zigenda kwegatta ku nguudo 196 ze baamaliriza okukola mu myaka mukaaga.

Yagambye nti basuubira mu bbanga ttono Kampala okwongera okutereera wadde babadde n’ebizibu bya ssente.

Mu lipooti Kitaka gye yasomedde bannamawulire mu lukiiko olwatudde ku City Hall eggulo, yalaze nti Kampala alimu obuwanvu bwa kkiromita 2,110 kyokka bakunukkiriza 1,600 ze bakoze ku mutindo.

Yagambye nti baagala buli luguudo lussibweko koolaasi naye ekikyabalemesezza butaba na ssente.

Kitakka yagambye nti Kampala yali talina pulaani eraga nguudo zonna eziri mu kibuga n’ezifuluma kyokka baagikoze ne bagimaliriza.

“Buli kizibu n’enteekateeka ya Kampala ku by’enguudo tugenda kugitunulako okulaba nga tugissa mu nkola ku buli mutendera okuba gwetaagisa,” Kitaka bwe yagambye.

Yategeezezza nti okusoomoozebwa kwe balina ku nguudo ze kkampuni ezisinga eza bannansi obutaba na bisaanyizo bikola ne beesanga nga bakozesezza kkampuni eziva ebweru w’eggwanga.

Yategeezezza nti okukola oluguudo kitwala ssente nnyingi kubanga olutandikirwako okukola lutwala obuwumbi busatu buli kiromita.

Ku nsonga y’ebitaala, Kitaka yagambye nti baagala amasang'anzira agabaddemu obulippagano bagasseeko ebitaala, era ttenda baagigabye.

More From The Author

Emboozi z’omuwandiisi endala

Emboozi endala

Tamale11 220x290

Mabirizi atutte Tamale Mirundi...

MALE Mabiriizi atutte Tamale Mirundi mu Kkooti Enkulu olw’okumulebula bwe yagamba nti minisita Kuteesa yamukozesa...

Kwasa 220x290

Enguudo ezibadde ziyimbya Bannakampala...

ENGUUDO ssatu ezimaze emyaka nga zikaabya bannakamapala KCCA ezikwasizza kkampuni ezizikola era omulimu gutandise....

Alalo1 220x290

Bategese okusabira eyafiira mu...

Poliisi ekwataganye ne famire y'omuserikale eyafiira mu nnyonnyi nebategeka okumusabira ku kkanisa ya All Saints...

Khalid1 220x290

Ayagala okuddira Bobi Wine mu bigere...

OMULANGIRA Khalid Simbwa, People Power gw’ewanzeeko eddusu okusikira Robert Kyagulanyi Ssentamu ku ky’omubaka wa...

Ipod10 220x290

Aba IPOD bakyusizza obukulembeze:...

MUNNAMATEEKA Asuman Basaalirwa agambye nti waliwo abantu abamaze okubaga enteekateeka okutwala ssabawolereza wa...