TOP

Bakkirizza bannannyini bizimbe okusasula mu ddoola

By Musasi wa Bukedde

Added 26th April 2018

GAVUMENTI yeekyusizza ku kyali kisaliddwaawo olukiiko lwa baminisita okugaana bannannyini bizimbe n’amayumba okusolooza ssente z’obupangisa mu ddoola n’obutamala gongeza ssente.

129163597 703x422

Mu lutuula lwa kabinenti olwa April 2018, baminisita bakkaanya ku tteeka eppya erigenda okuluhhamya enkolagana y’omupangisa ne balandiroodi mwe baaweera minisita obuyinza okulung'aamya ku ssente ez’omupangisa nga tewali nnannyini kizimbe akkirizibwa kwongeza ssente okuzikubisaamu emirundi ebiri mu bbanga ery’omwaka ogumu wamu n’okusaba ssente ezisukka ez’emyezi esatu.

Oluvannyuma lwa bannannyini bizimbe okwekubira enduulu nti, bbo tebeebuuzibwako, kabinenti yatudde n’esalawo okukyusaamu ku bimu ku byali bisoose okuyisibwa mu bbago erigenda okufuga abapangisa ne bannnannyini mayumba erya ‘ Landlord and Tenant Bill 2016’.

Betty Amongi, minisita avunaanyizibwa ku byettaka, amayumba n’enkulaakulana y’ebibuga yagambye nti kabineeti yazzeemu okukubaganya ebirowoozo ku bbago erigenda okufuga abapangisa ne bannnannyini bizimbe ne wabaawo ebirongoosebwamu.

Ebbago lino lisuubirwa ekiseera kyonna okwanjulwa mu palamenti ababaka balikubaganyeeko ebirowoozo nga terinnaba kufuulibwa tteeka.

Ebimu ku byakyusiddwaamu okusinziira ku nsonda mu kabineeti mulimu, eky’okuleka enkola ebaddewo bannannyini bizimbe okusaba ssente z’obupangisa mu ddoola nga bwe kibadde ku bizimbe ebimu mu kibuga.

Omwogezi w’ekibiina ekigatta abasuubuzi ab’omu Kampala ekya Kampala City Traders Association (KACITA), Issa Sekitto nga be babade abasaale mu kulwanyisa eky’okusolooza ssente mu ddoola yategeezezza nti bbo tebafuddeeyo, kabinenti bw’eba bw’esazeewo okwekyusa, kati essuubi lyabwe lisigadde mu babaka ba palamenti abagenda okuyisa etteeka.

“ Nze nva mu kibiina kya Uganda Law Society okunnyonnyola balooya ku nsonga zaffe ku tteeka era ndi mumativu, bannamateeka bagenda kutwegattako mu kulwanyisa enkola eza bannannyini bizimbe okunyigiriza abapangisa,” Sekitto bwe yagambye.

Wabula munnamateeka w’omu Kampala Muzamiru Kibeedi yagambye nti Gavumenti okusalawo ku ssente ez’obusuulu kimenya konsitityusoni y’eggwanga ewa eddembe buli muntu okuyisibwa ekyenkanyi awatali kusosolwa.

More From The Author

Emboozi z’omuwandiisi endala

Emboozi endala

Paska 220x290

Mukoka asse omukadde

Ekikangabwa kibuutikidde abatuuze ku kyalo Kaliisizo South mu Kalisizo Town Council mu disitulikiti y'e Kyotera,...

Fari1 220x290

Laba amaziga g’essanyu.

Munnakatemba era omuzannyi wa firimu Faridah Ndausi bamukoledde akabaga k'amazaalibwa nga takasuubira, akaabye...

Mbarara City ekutte Nkata ku nkoona...

Brian Ssenyondo akomezeddwawo okutwala Mbarara City mu maaso oluvannyuma lw'okukwata Nkata ku nkoona.

Buloba1 220x290

Blick afunzizza engule y'ezaakafubutuko...

Blick kati abuzaayo empaka za mirundi 2 (Kapeeka ne Boxing day)okulangirirwa nga kyampiyoni w'ezaakafubutuko....

Img3804webuse 220x290

Ekivvulu kya Toto kiri mu ggiya...

Ekivvulu ky'abaana ekya ToTo ekitegekebwa Vision Group kyengedde nga kati olwa December 8 lwe lulindirirwa lwokka...