TOP

Lukwago alumbye Musisi okwanika omusaala gwabwe mu lujjudde

By Hannington Nkalubo

Added 16th May 2018

LOODI Meeya wa Kampala, Erias Lukwago ne bakansala batadde abakungu ba KCCA ku nninga nga baagala nabo balage emisaala gyabwe mu lujjudde nga bwe baakoze ku gyabwe a.

Ono 703x422

Kansala Mohammed Ssegirinya ( ku ddyo) ng’ayogera mu lukiiko. Mu katono ye Loodi Meeya Lukwago

Abakungu ba KCCA abaabadde bakulembeddwaamu omumyuka wa dayirekita wa Kampala, Sam Serunkuuma baafunye akaseera akazibu Lukwago bwe yabalagidde okwogera mu lujjudde emisaala gyabwe gye bafuna.

Emisaala okwogerwaako kyaddiridde amawulire agaafuluma nga galaga omusaala gwa Loodi Meeya ne bakansala be, bassentebe ba munisipaali, abamyuka baabwe ne bakansala gwe bagamba nti dayirekita Jennifer Musisi ye yagutwala mu mawulire.

Lukwago yagambye nti, KCCA bw’eba esobola okulaga emisaala gyabwe lwaki egy’abakozi baayo tebagiraga nga nabo ensimbi ezibasasulwa za muwi wa musolo.

Yawagiddwa kansala Keneddy Okello ne kansala Moses Okwera okuva e Mbuya era ne babasaba okukomawo olwaleero n’olukalala lw’emisaala egisasulwa abakozi ba KCCA ku buli mutendera.

Wabula Serunkuuma yabategeezezza nga KCCA bw’erina abakozi bangi omuli abasomesa n’abasawo n’abasaba okugenda mu minisitule y’abakozi gye baba baggya olukalala lw’emisaala gy’abakozi ba KCCA kuba ye talina buyinza kugiraga. Ensonga endala gye baasibidde ekkuuli y’eteekateeka y’okulinnyisa omusolo ku bakolera bizinensi ez’enjawulo mu Kampala naddala abatakisi.

Lukwago yagambye nti, bagamba kino baakikoze okusobola okufuna ssente ze banaayongera ku misaala gy’abakozi abakola emirimu egy’ekikugu ky’agamba nti bbo ng’olukiiko lwa KCCA tebagenda kuziyisa.

Lukwago abawadde amagezi bakwate ssente ezikola ku by’okwejalabya bongere ku misaala gyabwe mu kifo ky’okunyigiriza Bannakampala nga n’omusolo gwe basasula mungi.

More From The Author

Emboozi z’omuwandiisi endala

Emboozi endala

Benitez22 220x290

Benitez munyiivu olwa Newcastle...

Newcastle yeggyeeko omutendesi Benitez oluvannyuma lw'endagaano ye okuggwaako.

Oketchinstructinghisstudentswebuse 220x290

Oketch obwavu abugobye na kukola...

Mu kukola fulasika z'embaawo mwe nfuna ssente

Wanikaamaguluwebuse11 220x290

Bw'oyamba omuntu azirise nga tonnamutuusa...

By'olina okukola okuyamba omuntu azirise nga tonnamutuusa wa musawo okumutaasa obuzibu obuyinza okumutuukako

Lan1 220x290

Mbogo ne Kibuli beddizza ez'amasomero...

Mbogo ne Kibuli beddizza ez'amasomero mu Badminton

Gr2 220x290

Abagambibwa okutta owa Mobile Money...

Abagambibwa okutta owa Mobile Money babazizza e Zzana